သီတဂူစတုပစ္စယ အလှူတော်ပွဲကြီး (လဟယ်မြို့)

**********

(၃၀.၁၀.၂၀၂၂ ) ရက်နေ့

သီတဂူစတုပစ္စယအလှူတော်မင်္ဂလာ အခမ်းအနားကို လဟယ်မြို့၊ ရွှေပြည်သာ ခန်းမမှာ ကျင်းပခဲ့ပါသည်။

ယနေ့ကျင်းပပြုလုပ်သော အခမ်းအနားသည် လဟယ်မြို့နယ်၊ နန်းယွန်းမြို့နယ်အတွင်းရှိ ဘုန်းတော်ကြီးကျောင်း(၄၇)ကျောင်း၊ သီလရှင်ကျောင်း(၁)ကျောင်း၊ ခရစ်ယာန်ကျောင်း(၃)ကျောင်း။

တစ်ကျောင်းလျှင် နဝကမ္မ (၅)သိန်းကျပ်၊
ဗဟိုကျောင်း(၂)ကျောင်း (၁၀)သိန်းစီ၊
ဆန် (၁)အိတ်၊ ဆီ(၅)ပိဿာပုံး (၁)ပုံး၊
သင်္ကန်းဒွိစုံ (၁)စုံစီ (၄၇)စုံ၊ မျက်နှာသုတ် ပုဝါ(၄၇)ခု၊
လွယ်အိတ် ၂လုံးစီ (၉၄)လုံး၊ သီလရှင် ဝတ်စုံ (၄၃)စုံ

ရဟန်း၊ သာမဏေ၊ သီလရှင် စုစုပေါင်း (၁၅၉)ပါးအတွက်

**********

ဆန် (၁)အိတ်စီ၊
ဆီ(၅)ပိဿာပုံး (၁)ပုံးစီ၊
ငွေ၆၀၀၀၀ ကျပ်နှင့် ပစ္စည်း(၁၂)မျိုး (၁)အိတ်စီ လှူဒါန်း

တောင်တန်းသာသနာပြုဗဟိုကျောင်း သိန်း(၁၀၀)
တောင်တန်းသာသနာပြုသီလရှင်ကျောင်းကို သိန်း(၁၀၀)
ငွေပဒေသာပင် စိုက်ထူလှူဒါန်းခဲ့ပါသည်။

ဤကောင်းမှုကို နတ်၊ လူ၊ သာဓုခေါ်စေသော်…

သီတဂူစန်းလပမာ ချမ်းမြသာယာရှိကြပါစေ..
သူတော်ကောင်းတရားနေရာတိုင်းမှာ ထွန်းတောက်ပါစေ..
ကိုဗစ်-၁၉ ရောဂါအမြန်ဆုံးကင်းဝေးကြပါစေ….
မြန်မာပြည်ကြီး အမြန်ဆုံးငြိမ်းချမ်းပါစေ…

သီတဂူဓမ္မသဘင် Live မှ မျှဝေပါသည်။
သီတဂူစတား

သီတဂူ ဆန် ဆီ အလှူတော် (စစ်ကိုင်း) ဒုတိယအကြိမ်

**********

၂၄.၁၀.၂၀၂၂ရက်နေ့

ကျေးဇူးရှင်အဘိဓဇမဟာရဋ္ဌဂုရု ရွှေကျင်သာသနာပိုင် သီတဂူအဓိပတိဆရာတော်ကြီး၏ ဦးဆောင်လမ်းညွှန်မှုဖြင့် မင်းဝံတောင်ရိုး၊ သီတဂူအပြည်ပြည်ဆိုင်ရာဝိပဿနာအကယ်ဒမီအနီးရှိ ဘုန်းကြီးကျောင်းပေါင်း (၁၆၄)ကျောင်း၊ သံဃာတော်ပေါင်း (၁၆၈၂)ပါးအတွက် တစ်ပါးလျှင် ဆန်(၁)တင်း၊ ဆီ(၁)ပိဿာ ဖြင့်၊ ဆန်တင်းပေါင်း(၁၆၈၂)တင်း၊ ဆီပိဿာပေါင်း(၁၆၈၂)ပိဿာကို လှူဒါန်းခဲ့ပါသည်။

စစ်ကိုင်းတောင် မင်းဝံတောင် မင်းကွန်းတောင်တို့ရှိ သံဃာတော်များအား ဆက်လက် လှူဒါန်းမည်။

၂၀၂၀ ကိုဗစ်ကာလမှာ ပထမအကြိမ် စစ်ကိုင်း မန္တလေး ရန်ကုန်မြို့ကြီးများရှိ ရဟန်း သီလရှင်စာသင်တိုက်များ ဘိုးဘွားရိပ်သာများ မသန်စွမ်းများ မဘမဲ့ဂေဟာများအား ဆန် တင်း ဆီ ပိဿာ သောင်းနှင့်ချီ လှူဒါန်းခဲ့သည်။

ဤကောင်းမှုကို နတ်၊လူ၊ သာဓုခေါ်စေသော်….

သီတဂူစန်းလပမာ ချမ်းမြသာယာရှိကြပါစေ..
သူတော်ကောင်းတရားနေရာတိုင်းမှာ ထွန်းတောက်ပါစေ..
ကိုဗစ်-၁၉ ရောဂါအမြန်ဆုံးကင်းဝေးကြပါစေ….
မြန်မာပြည်ကြီး အမြန်ဆုံးငြိမ်းချမ်းပါစေ…

သီတဂူဆရာတော်ကြီး၏ သီတင်းကျွတ် သြဝါဒအနှစ်ချုပ် (ရန်ကုန်)

**********

၁၁-၁၀-၂၀၂၂ နေ့ နံနက်၊ သီတဂူကမ္ဘာ့ဗုဒ္ဓတက္ကသိုလ် (ရန်ကုန်) မှာ ကျေးဇူးတော်ရှင် သီတဂူဆရာတော်ကြီးအား သီတဂူကထိက (ရန်ကုန်)၊ သီတဂူကပ္ပိယကာရ (ရန်ကုန်)နှင့် သီတဂူမြောက်ဒဂုံ ထောက်ကူပြုအဖွဲ့တို့က ဝါကျွတ် ကန်တော့ကြပါတယ်။

ဆရာတော်ကြီးက အဘိဝါဒသီလ- ရိုသေရှိခိုးခြင်းအကြောင်း သြဝါဒကို အနှစ်ချုပ်၍ အောက်ပါအတိုင်း ဖော်ပြပါတယ်။

ယခုလို သီတင်းကျွတ် ဝါကျွတ် ဆရာပူဇော်တဲ့ပွဲဟာ ဘာသာရေးနှင့် ယဉ်ကျေးမှုဓလေ့ ပေါင်းစပ်ပြီး ဖြစ်ပေါ်လာပါတယ်။ ဒီလို ယဉ်ကျေးမှု ဓလေ့ဟာ မြန်မာတို့ရဲ့ Dignity ဂုဏ်သိက္ခာ ဖြစ်ပါတယ်။ မြန်မာကို ဘယ်လိုသိနိုင်သလဲဆိုရင် မြန်မာတို့ရဲ့ နှစ်သစ်ကူးဓလေ့၊ သီတင်းကျွတ်ဓလေ့၊ သက်ကြီး ဝါကြီးတို့အား ကန်တော့ခြင်း၊ ဆရာ မိဘတို့အား ကန်တော့ခြင်း စသည့်ဓလေ့တို့ကြောင့် မြန်မာတို့ရဲ့ အသွင်အပြင် စရိုက်လက္ခဏာ ဖြစ်ပါတယ်။

ဒီလို ယဉ်ကျေးမှု ဓလေ့ကို လူမျိုးတို့ရဲ့ စရိုက်လက္ခဏာအဖြစ်၊ ဗုဒ္ဓရဲ့ အမွှေအနှစ်အဖြစ် ထိန်းထားသင့်ပါတယ်။

ဘာလို့လဲဆိုတော့ ဗုဒ္ဓရဲ့ မင်္ဂလာတရားတော်တွေထဲမှာ နိဝါတ-နိမာန- ဂါရ၀ တရားတွေဆိုတာ ရှိပါတယ်။ နိမာန- မာနကင်းခြင်း၊ နိဝါတ- ကိုယ်ကိုနှိမ်ချခြင်းလက္ခဏာ။ မြန်မာတွေဟာ မင်္ဂလာသုတ်တော်နှင့် အညီ ကြီးပြင်းလာတာ ဖြစ်လို့ မင်္ဂလာပါလို့ နှုတ်ဆက်ကြတယ်။ So call- အမည်မျှ မင်္ဂလာ မဖြစ်စေဘဲ တကယ့် မင်္ဂလာအစစ်ဖြင့် နှုတ်ဆက်နိုင်ကြဖို့ ပိုအရေးကြီးပါတယ်။

မင်္ဂံ ပါပံ လုနာတိ ဆိန္ဒတီတိ- မင်္ဂလာ။ မကောင်းမှု အကုသိုလ် ဖြတ်နိုင်ခြင်းဟာ မင်္ဂလာ အစစ်ဖြစ်ပါတယ်။ နိဝါတ နိမာန ဂါရ၀ တရားတွေ မရှိဘူးဆိုရင် So call မင်္ဂလာအမည်မျှ သက်သက်ပဲ ဖြစ်ပါတယ်။ ဒီကနေ့ လူမျိုးတို့ရဲ့ စရိတ်လက္ခဏာ ဂုဏ်ကို ဖော်ပြနေတာပဲ ဖြစ်ပါတယ်၊ ဒီသာသနာနှင့် ဒီမြန်မာမှာ respect to elder, mother, father- အသက်သိက္ခာကြီးရင့်သူ၊ အမေ အဖေတို့အား အရိုအသေ ပေးခြင်း ရှိခိုးခြင်း အလွန်ကောင်းတဲ့ ဓလေ့ရှိကြပါတယ်။

ကြီးသူ ငယ်သူ အပြန်အလှန် တန်ဖိုးထားတဲ့ မြန်မာတို့ ဓလေ့

ရုံးတွေ ဌာနတွေမှာ အရာရှိငယ်တွေက အရာရှိကြီးတွေကို အရိုသေပေးကြသလို၊ ကြီးသူတွေကလည်း ငယ်သူတွေကို တန်ဖိုးထားကြတယ်၊ အပြန်အလှန် respect အရိုအသေပေးရင် ဒီအစည်းအရုံး၊ ဒီအဖွဲ့အစည်းဟာ အလွန်လှပပြီး ခိုင်မာနေမှာပါ။ ကျောင်းတိုက်တွေမှာလည်း ငယ်သူက ကြီးသူကို အရိုသေပေး၊ ကြီးသူက ငယ်သူကို လေးစား တန်ဖိုးထား၊ အောက်ထစ်ဆုံး အမှိုက်လဲ၊ ပန်းကန်ဆေးတဲ့သူက အစ လေးစားတန်ဖိုးထားကြတယ်၊ အပြန်အလှန် အရိုသေပေး လေးစားခြင်းဟာ စည်းလုံး ညီညွှတ်ရေးကို အားပေးပါတယ်။ ကမ္မနှင့် ကမ္မဝိပါကပဲ။ ရေအိုင်ထဲကို ခဲတစ်လုံး ပစ်လိုက်လျှင် ခဲကျတဲ့နေရာ ရေဝိုင်းသေးသေးလေးကနေ အကြီးဖြစ်လာပြီး ပစ်လိုက်တဲ့သူအနားအထိ ရောက်လာပါတယ်။ ဒီဥပမာအတိုင်းပဲ၊ ကြီးသူက ငယ်သူကို တန်ဖိုး လေးစား ဆက်ဆံလျှင် ငယ်သူတွေရဲ့ ချစ်ခြင်းတွေ ဂါရဝတရားတွေ ရရှိမှာ ဖြစ်ပါတယ်။

Inter-related respect- အပြန်အလှန် လေးစားမှု နဲလာလျှင် ဂုဏ်တွေဟာ အလိုလျောက် ကျဆင်းသွားပါတယ်။ အပြန်အလှန်လေးစားမှုဟာ ဘယ်ကလာသလဲဆိုရင် နိဝါတ နိမာနက စတာပဲ။ သားသမီးနှင့် မိဘ၊ တပည့်နှင့် ဆရာ၊ အရာရှိငယ်နှင့် အရာရှိကြီးတို့ဟာ အပြန်အလှန် ဂါရ၀ နိဝါတရှိနေကြမယ်ဆိုရင် စည်းလုံး ညီညွှတ်ခြင်းကို ခိုင်မာ အားကောင်းစေပါတယ်။ ကိုယ်က နိဝါတ- ကိုယ့်ကိုနှိမ်ချ ဆက်ဆံ၊ မာန မရှိဘူးဆိုလျှင် အောက်လက် ငယ်သားတွေရဲ့ ချစ်ခင်ခြင်းကို ရပါမယ်။ Unity of Nation- တိုင်းပြည်နှင့် လူမျိုး ညီညွှတ်ရေးအတွက် အားကောင်းလာမယ်။ ဒီ စရိုက်လက္ခဏာတွေ ယဉ်ကျေးမှုတွေ မရှိဘူးဆိုလျှင် ချိနဲ့သွားမယ်။

ဂါရ၀ နိဝါတ မရှိသူ မာနကြီးသူဟာ ဒေါသလည်း ကြီးပါတယ်။ ဒေါသဟာ ဒုဿန- ဖျက်ဆီးခြင်းသဘော ရှိပါတယ်။ ဒေါသကြီးသူဟာ မိမိရဲ့ စိတ်ကို ဖျက်ဆီးပြစ်ပါတယ်၊ မိမိရဲ့ မွန်မြတ်တဲ့ မေတ္တာ၊ ကရုဏာ၊ မုဒိတာ စိတ်ဓာတ်တွေကို ဖျက်ဆီးပြစ်လိုက်ပါတယ်။ Noble Conduct- မွန်မြတ်တဲ့ အပြုအမူတွေ ပျက်စီးသွားတာနဲ့ စိတ်ဓာတ်စွမ်းရည်တွေလည်း ကျဆင်းသွားပါတယ်။

ဒါကြောင့် ဒီနေ့-

ကြီးကုန်ကြီးကုန်သော သူတို့အား ရိုသေခြင်း လေးစားခြင်း ရှိခိုးခြင်းအလေ့ထကြောင့်

အသက်ရှည်ခြင်း၊ အဆင်းလှခြင်း၊ ချမ်းသာခြင်း၊ ခွန်အားကောင်းခြင်း၊ ကျန်းမာခြင်း ငါးပါးတို့နှင့် ပြည့်စုံကြပါစေ။

သြဝါဒကို မှတ်စုရေးခြင်းမျှသာ၊ အကုန်ပြည့်စုံခြင်းမရသည့်အတွက် မပြည့်စုံပါက မှတ်စုရေးသော စာရေးသူ၏ အပြစ်သာ ဖြစ်ပါသည်။

#သီတင်းကျွတ် ကန်တော့

ရွှင်လန်းချမ်းမြေ့ပါစေ။
သီတဂူစတား
၁၁-၁၀-၂၀၂၂