ဒီပလိုမာ အောင်လက်မှတ် ပေးအပ်ခြင်းနှင့် ကျောင်းဖွင့်ပွဲ

**********

၉-၆-၂၀၂၄ နေ့ မနက်ပိုင်း၊ သီတဂူကမ္ဘာ့ဗုဒ္ဓတက္ကသိုလ် (ရန်ကုန်) ၂၀၂၄/၂၀၂၅ ပညာသင်နှစ် ကျောင်းသားသစ်ကြိုဆိုခြင်း၊ ၂၀၂၃/၂၀၂၄ ပညာသင်နှစ် ဒီပလိုမာ အောင်လက်မှတ် ပေးအပ်ခြင်းနှင့် ကျောင်းစတင်ဖွင့်ခြင်းတို့ကို ပြုလုပ်ရာ သီတဂူအဓိပတိဆရာတော်ကြီး ကိုယ်တိုင် ချီးမြောက်သည်။

ဒေါက်ဝင်းမြင့်+ အဂ္ဂမဟာသီရိသုဓမ္မသိင်္ဂီ ဒေါ်ခိုင်ခိုင်ဦး မြတ်မေတ္တာမွန် ကုမ္ပဏီလီမီတက် မိသားစုတို့က စာသင်သား ရဟန်း သီလရှင် ၁၅၀ တို့အား နဝကမ္မ ၅ သောင်းကျပ်စီနှင့် သင်္ကန်းဒွိစုံစီတို့ကို၎င်း၊ စာချဆရာတော် ၁၇ ပါးတို့အား ၂ သိန်းကျပ်စီတို့ကို၎င်း လှူဒါန်းပါသည်။

ဘွဲ့ယူကြသော ဗုဒ္ဓဓမ္မပါဒကကျောင်းသား/သူတို့က စာသင်သား တို့အား စာရေးကိရိယာများနှင့် စာချဆရာတော် ၁၇ ပါးတို့အား ၁ သိန်းကျပ်စီတို့ကို လှူဒါန်းကြပါသည်။

ဧည်ပရိသတ် ၄၀၀ ခန့်အား မြတ်မေတ္တာမွန်ကုမ္ပဏီလီမီတက် မိသားစုက ကျွေးမွေးဧည့်ခံပါသည်။

ဓာတ်ပုံ။ သီတဂူအောင်သန်းဝင်း
ရွှင်လန်းချမ်းမြေ့ပါစေ။
သီတဂူစတား

သီတဂူဆရာတော်ကြီး နယူးဒေလီမြို့၊ အိန္ဒိယနိုင်ငံသို့ ရောက်

(၂၀၂၄ ဇန္နဝါရီလ ၁၇/၁၈) အပြည်ပြည်ဆိုင်ရာသာသနာပြု အဘိဓဇမဟာရဋ္ဌဂုရု သောဠသမရွှေကျင်သာသနာပိုင် သီတဂူအဓိပတိဆရာတော်ဘုရားကြီးသည် ABCPအဖွဲ့၏ ဖိတ်ကြားချက်အရ အိန္ဒိယအစိုးရမှကြီးမှုးကျင်းပသော နယူးဒေလီမြို့ရှိ Asian Buddhist Conference for Peace (ABCP) အဖွဲ့၏အစည်းအဝေးသို့ကြွရောက်ချီးမြင့်အားပေးတော်မူပါသည်။

ABCP အဖွဲ့သည် Mongolia နှင့် အိန္ဒိယနိုင်ငံရှိသံဃာများမှဦးဆောင်ဖွဲ့စီးထားပြီး ၁၆ နိုင်ငံမှဗုဒ္ဓဘာသာခေါင်းဆောင်းများအဖွဲ့ဝင်အဖြစ်ပါဝင်ပါသည်။ ABCP မှ အိန္ဒိယအစိုးရ၏အထောက်အပံ့ဖြင့် ၁၂ ကြိမ်မြောက် General Conference ကိုကျင်းပရာဆရာတော်ကြီးအပါအဝင် နိုင်ငံ ၂၀ ကျော်မှဘာသာရေးခေါင်းဆောင်များ၊ အိန္ဒိယနိုင်ငံဒုတိယသမ္မတကြီးအမှုးပြုသောဝန်ကြီးများနှင့် ဗုဒ္ဓဘာသာနိုင်ငံများမှသံအမတ်များတက်ရောက်ခဲ့ကြပါသည်။

သီတဂူစန်းလပမာ ချမ်းမြသာယာရှိကြပါစေ...
သူတော်ကောင်းတရားနေရာတိုင်းမှာ ထွန်းတောက်ပါစေ..
မြန်မာပြည်အမြန်ဆုံးငြိမ်းချမ်းပါစေ…

သီတဂူဝန်ဆောင် သံဃာ့အဖွဲ့ တွေ့စုံပွဲ ပြုလုပ်

**********

၄-၁-၂၀၂၄ လွတ်လပ်ရေးနေ့မှာ ကျေးဇူးရှင်ဆရာတော်ကြီး ဦးဆောင်၍ တွေ့စုံ ဆွေးနွေးကြပါတယ်။
သီတဂူအပြည်ပြည်ဆိုင်ရာ သာသနာပြုအဖွဲ့၏ လုပ်ငန်းကြီးများ၏ သြဝါဒါစရိယ နှစ်ပါးအောက်မှာ သီတဂူဝန်ဆောင်သံဃအဖွဲ့သည် သာသနာပြုလုပ်ငန်းများ၏ ဦးဆောင်အဖွဲ့ဖြစ်ပါတယ်။

သီတဂူသာသနာပြုအဖွဲ့၏ အဓိက လုပ်ငန်းကြီးများမှာ
သီတဂူရေအလှူတော်
သီတဂူဆေးရုံများ
သီတဂူဗုဒ္ဓတက္ကသိုလ်များ
ပြည်တွင်းပြည်ပ သာသနာပြုကျောင်းများ စသည်ဖြစ်ပါတယ်။

ရွှင်လန်းချမ်းမြေ့ပါစေ။
သီတဂူစတား

သီတဂူကမ္ဘာ့ဗုဒ္ဓတက္ကသိုလ်များ စာမေးပွဲကျင်းပ

**********

စစ်ကိုင်း၊ မန္တလေး၊ ရန်ကုန်မြို့များရှိ သီတဂူကမ္ဘာ့ဗုဒ္ဓတက္ကသိုလ်များ၏ ၂၀၂၃/၂၀၂၄ ပညာသင်နှစ် ပထမနှစ်ဝက် စာမေးပွဲများကို တချိန်တည်း ကျင်းပသည်။ M.A တန်း B.A တန်း Diploma တန်းများ အောက်တိုဘာ ၂၄ ရက်မှ ၂၇ ရက်နေ့အထိ ၄ ရက် ကျင်းပသည်။

ဆရာတော်ကြီးရဲ့ ကရုဏာဖြင့် အကျဉ်းသားများကို ကယ်တင်ခြင်း

**********

၁၉ အောက်တိုဘာလ ၂၀၂၃၊
ကျေးဇူးတော်ရှင် သီတဂူဆရာတော်ကြီး ဦးဆောင်သော သီတဂူသာသနာပြုအဖွဲ့သည် အိန္ဒိယနိုင်ငံတွင် အကြောင်းအမျိုးမျိုးဖြင့် အကျဉ်းကျခံနေရသော မြန်မာအကျဉ်းသား ၅၇ ဦးတို့ကို အိန္ဒိယနိုင်ငံ Port Blair ကျွှန်းမှမြန်မာနိုင်ငံသို့ ပြန်လည်ခေါ်ဆောင် လွှတ်မြောက်နိုင်ခဲ့ပါသည်။

ထိုမြန်မာအကျဉ်းသားများသည် အိန္ဒိယနိုင်ငံတွင် ၂ နှစ်မှ ၁၀ နှစ်ထိ အကျဉ်းကျခံနေရသူများဖြစ်ပြီး ဆရာတော်ကြီးဦးဆောင်သော သီတဂူအဖွဲ့က ခရီးစရိတ်ကျသင့်ငွေအားလုံး လှုဒါန်းကာ ၂ နိုင်ငံတာဝန်ရှိသူများက ကူညီဆောင်ရွက်ပြီး လွှတ်မြောက်နိုင်ခဲ့ပြီဖြစ်ပါသည်။

ထိုသို့မြန်မာနိုင်ငံသို့ပြန်ရောက်ရာတွင်လည်း သီတဂူအဖွဲ့က လမ်းစရိတ်နှင့်ညစာထပ်မံလှုဒါန်းပြီး လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနက တည်းခိုရေးနှင့်ပြန်လည်ပို့ဆောင်ရေးတို့အတွက် ပါဝင်လှုဒါန်းခဲ့ပါသည်။

သီတဂူဆရာတော်ကြီးနှင့်သီတဂူအဖွဲ့သည် ယခုကဲ့သို့ သီရိလင်္ကာ၊ အိန္ဒိယနိုင်ငံနှင့်မလေးရှားနိုင်ငံတို့တွင် အကြောင်းအမျိုးမျိုးဖြင့် အကျဉ်းကျခံနေရသော မြန်မာအကျဉ်းသားများ လွတ်မြောက်ရေးအတွက် ၁၉ ကြိမ်ဆောင်ရွက်ခဲ့ပြီး အကျဉ်းသားဦးရေ ၂၀၀၀ ကျော်ခန့်ကို တာဝန်ရှိသူများနှင့်ပူပေါင်း ကယ်တင်ကုသိုလ်ယူခဲ့နိုင်ကြောင်း သာဓုခေါ်ဆိုနိုင်ရန် တင်ပြအပ်ပါသည်။

ဓာတ်ပုံ။ အောင်သန်းဝင်း
သီတဂူစန်းလပမာ ချမ်းမြသာယာရှိကြပါစေ။
သူတော်ကောင်းတရားနေရာတိုင်းမှာ ထွန်းတောက်ပါစေ။

July 29 ရက်နေ့ သတင်းဓာတ်ပုံများ

**********

သီတဂူဆရာတော်ကြီး တရုတ်ပြည်သူ့သမ္မတနိုင်ငံ၊ ဟူနမ်ပြည်နယ် ရောက်

**********

အဘိဓဇမဟာရဋ္ဌဂုရု သောဠသမရွှေကျင်သာသနာပိုင် သီတဂူအဓိပတိဆရာတော်ဘုရားကြီးဦးဆောင်သောအဖွဲ့သည် တရုတ်ပြည်သူ့သမ္မတနိုင်ငံ၊ လော့ရန်မြို့တွင်တည်ရှိသော ဗုဒ္ဓဘာသာအစောဆုံးရောက်ရှိသည့် မြင်းဖြူကျောင်းတိုက်သို့ (၂၂.၆.၂၀၂၃)ရက်နေ့တွင် ရောက်ရှိခဲ့ပါသည်။

ရှေးဦးစွာ မြင်းဖြူကျောင်းတိုက်မှ ကျောင်းထိုင်ဆရာတော်နှင့် ဘုန်းတော်ကြီးများက သီတဂူဆရာတော်ကြီးနှင့်အဖွဲ့ကို နွေးထွေးစွာကြိုဆိုခဲ့ပါသည်။

ထို့နောက် မြင်းဖြူကျောင်းတွင်တည်ထားကိုးကွယ်ထားသော ရွှေတိဂုံပုံတူစေတီတော်ကြီးအား သီတဂူဆရာတော်ဘုရားကြီးဦးဆောင်သော အဖွဲ့သွားရောက်ကြည့်ရှူ့ဖူးမျှော် ကန်တော့ခဲ့ပါသည်။

သီတဂူအဓိပတိဆရာတော်ဘုရားကြီးဦးဆောင်သော လေ့လာရေးအဖွဲ့ကို တရုတ်ပြည်သူ့သမ္မတနိုင်ငံ၊ မြန်မာနိုင်ငံဆိုင်ရာသံအမတ်ကြီးဦးတင်မောင်ဆွေ ဦးဆောင်သော မြန်မာသံရုံးဝန်ထမ်းမိသားစုများကလေဆိပ်မှကြိုဆိုခဲ့ပါသည်။

သီတဂူစန်းလပမာ ချမ်းမြသာယာရှိကြပါစေ။
သူတော်ကောင်းတရားနေရာတိုင်းမှာ ထွန်းတောက်ပါစေ။
ကိုဗစ်-၁၉ရောဂါအမြန်ဆုံးကင်းဝေးကြပါစေ…
မြန်မာပြည်အမြန်ဆုံးငြိမ်းချမ်းပါစေ…

၂၀၂၃-၂၀၂၄ ပညာသင်နှစ် သီတဂူကမ္ဘာ့ဗုဒ္ဓတက္ကသိုလ်၊ ကျောင်းဖွင့်ပွဲ၊ ကျောင်းသားသစ်လက်ခံကြိုဆိုပွဲ အခမ်းအနား၊ အောင်လက်မှတ်ပေးအပ်ပွဲ အခမ်းအနား

**********

၉.၆.၂၀၂၃ရက်နေ့ ၊၂၀၂၃-၂၀၂၄ ပညာသင်နှစ်၊ သီတဂူကမ္ဘာ့ဗုဒ္ဓတက္ကသိုလ်(စစ်ကိုင်း)၊ ကျောင်းဖွင့်ပွဲ၊ ကျောင်းသားသစ်လက်ခံကြိုဆိုပွဲ၊ အောင်လက်မှတ်ပေးအပ်ပွဲ အခမ်းအနားကို သီတဂူကမ္ဘာ့ဗုဒ္ဓတက္ကသိုလ်၊ သန္တိဘွဲ့နှင်းသဘင်ခန်းမဆောင်တွင် ကျင်းပပြုလုပ်ခဲ့ပါသည်။

ကမ္ဘာသူ၊ ကမ္ဘာသားအားလုံး
သီတဂူစန်းလပမာ ချမ်းမြသာယာရှိကြပါစေ။
သူတော်ကောင်းတရားနေရာတိုင်းမှာ ထွန်းတောက်ပါစေ။
ကိုဗစ်-၁၉ရောဂါအမြန်ဆုံးကင်းဝေးကြပါစေ…

သီတဂူဒီပလိုမာ အောင်လက်မှတ်အပ်နှင်းပွဲ ကျောင်းသားသစ်ကြိုဆိုပွဲ

**********

၅-၆-၂၀၂၃ နေ့၊ သီတဂူကမ္ဘာ့ဗုဒ္ဓတက္ကသိုလ် (ရန်ကုန်) သီတဂူဆရာတော်ကြီး ကိုယ်တိုင် ဗုဒ္ဓဓမ္မဒီပလိုမာဘွဲ့ရ ရဟန်းတော် သီလရှင်များနှင့် ဗုဒ္ဓဓမ္မပါဒကဒီပလိုမာ ဘွဲ့ရ ကျောင်းသား ကျောင်းသူများအား အောင်လက်မှတ်များ ပေးအပ်ပါသည်။

ဗုဒ္ဓတက္ကသိုလ်ကျောင်းတော်ကြိးအတွက် ကျပ်သိန်း ၅၀၀
ပါမောက္ခ ကထိကများအား အလှူ ၁ သိန်းကျပ်စီ
စာသင်သားများအား ၁ သောင်းကျပ်စီ သွားတိုက်ဆေး သွားတိုက်တံ မျက်နှာသစ် ဆပ်ပြာတို့ကို လောင်းလှူကြပြီး သဲကုန်းထမင်းသုပ်ဖြင့် ဆက်ကပ် ဧည့်ခံ ကျွေးမွေးကြပါသည်။

ရွှင်လန်းချမ်းမြေ့ပါစေ။
သီတဂူစတား

သီတဂူဆရာတော်ကြီး အပြည်ပြည်ဆိုင်ရာဗုဒ္ဓနေ့ အခမ်းအနားတက်ရောက်ခြင်း

**********

ကျေးဇူးရှင်အဘိဓဇမဟာရဋ္ဌဂုရု သောဠသမရွှေကျင်သာသနာပိုင် သီတဂူအဓိပတိဆရာတော်ဘုရားကြီးသည် ၁.၆.၂၀၂၃ ရက်နေ့တွင် ထိုင်းနိုင်ငံ၊ ချူလာလောင်ကွန်တက္ကသိုလ်တွင် ကျင်းပသော အပြည်ပြည်ဆိုင်ရာဗုဒ္ဓနေ့အခမ်းအနားသို့ တက်ရောက်ခဲ့ပါသည်။

အခမ်းအနားတွင် သီတဂူအဓိပတိဆရာတော်ဘုရားကြီးမှ ထိုင်းနိုင်ငံ သာသနာပိုင်ဆရာတော်ဘုရားကြီးကို မြန်မာမှုလက်ရာမာဘယ်ဗုဒ္ဓဆင်းတုတော်တစ်ဆူ လက်ဆောင်ပေးခဲ့ပါသည်။

ထို့နောက် သီတဂူအဓိပတိဆရာတော်ဘုရားကြီးမှ ဗုဒ္ဓနေ့အခမ်းအနားတွင် ဗုဒ္ဓနေ့မိန့်ခွန်း တက်ရောက်မိန့်ကြားခဲ့ပါသည်။

အပြည်ပြည်ဆိုင်ဗုဒ္ဓနေ့အခမ်းအနားသို့ ကမ္ဘာတဝှမ်းလုံးရှိ ဗုဒ္ဓဘာသာနိုင်ငံပေါင်း(၅၀)ကျော်မှ ဗုဒ္ဓဘာသာခေါင်းဆောင်များတက်ရောက်ဆွေးနွေးကြပါသည်။

အပြည်ပြည်ဆိုင်ဗုဒ္ဓနေ့အခမ်းအနားမှ လက်ရှိကမ္ဘာပေါ်တွင်ဖြစ်ပေါ်နေသော ကပ်ကြီးသုံးပါး(ကိုဗစ်ကပ်ရောဂါမှစ၊ နိုင်ငံရေးအကြမ်းဖက်မှုများ၊ သဘာဝဘေးအန္တရာယ်များ၊ ကမ္ဘာကြီးပူနွေးလာမှုများ၊ စွမ်းအင်အဆမတန်တိုးချဲမှုများ) ကြောင့်ကြုံတွေ့နေရသော အခက်အခဲများအား ဗုဒ္ဓဘာသာ၏ မာန်တိုင်ဖြစ်သော သစ္စာတရားဖြင့် ဖြေရှင်းသွားကြရန် ဝိုင်းဝန်းဆွေးနွေးကြပါသည်။

ကမ္ဘာသူ၊ ကမ္ဘာသားအားလုံး
သီတဂူစန်းလပမာ ချမ်းမြသာယာရှိကြပါစေ။
သူတော်ကောင်းတရားနေရာတိုင်းမှာ ထွန်းတောက်ပါစေ။
ကိုဗစ်-၁၉ရောဂါအမြန်ဆုံးကင်းဝေးကြပါစေ…
မြန်မာပြည်အမြန်ဆုံးငြိမ်းချမ်းပါစေ…