ဒုတိယအကြိမ် သီတဂူစက္ခုဒါန အလှူတော် (သဲကုန်း)

၂၀၁၄ ဇန္နဝါရီလ (၁၃၇၅-တပိုတွဲလပြည့်)နေ့က သဲကုန်းမြို့ သီတဂူရွှေဥရာစုသစ် စက္ခုဒါနဆေးရုံကို ဖွင့်လှစ်ပြီး ပထမအကြိမ် မျက်စိကုသမှုများ ပြုလုပ်ခဲ့ရာ စမ်းသပ် လူနာပေါင်း ၅၀၀၀ (ငါးထောင်) ကျော်နှင့် ခွဲစိပ်ပြီး အလင်းရသူများ ၅၉၃ ယောက်ရှိသည်။

ပထမအကြိမ်တွင် ဆရာ၀န်များ အနားပေးခြင်း၊ လူ ၂၀၀၀ကျော် နေ့စဉ်သုံးသည့် ရေချိုးခန်း၊ အိမ်သာများ၊ နေရာများ သန့်ရှင်းရေးအတွက် ပြုလုပ်ခြင်းများ လိုအပ်သည့်အတွက် ပထမအကြိမ် ၅၀၀၀ ကျော်သော လူနာများ စမ်းသပ်ပြီး ဒုတိယအကြိမ်အတွက် ပြင်ဆင်ရန် အနားပေးကြရသည်။

Read more: ဒုတိယအကြိမ် သီတဂူစက္ခုဒါန အလှူတော် (သဲကုန်း)

သဲကုန်း သီတဂူရွှေဥရာစုသစ် စက္ခုဒါန မျက်စိအထူးကု အစီအစဉ်

(၁၃-၂-၂၀၁၄ မှ ၁၉-၂-၂၀၁၄)

၁၃-၂-၂၀၁၄ မှ ၁၉-၂-၂၀၁၄ အထိ မျက်စိ ဝေဒနာရှင်ပေါင်း စမ်းသပ်လူနာပေါင်း (၃၀၉၈)။ ခွဲစိပ်လူနာပေါင်း (၅၀၀)ကျော်တို့ကို အလင်းဒါနပေးခဲ့သည်။ လာရောက်ပြသကြသူဦးရေ (၅၀၀၀)ကျော်ထိ ရောက်လာကြသည်။ ၂၂-၂-၂၀၁၄ နေ့အထိ ခွဲစိပ်ကုသပေးမည် ဖြစ်သည်။

Read more: သဲကုန်း သီတဂူရွှေဥရာစုသစ် စက္ခုဒါန မျက်စိအထူးကု အစီအစဉ်

သီတဂူ ရွှေဥရာစုသစ် စက္ခုဒါန ဆေးရုံတော် ဖွင့်လှစ်

ပြည်ခရိုင် သဲကုန်းမြို့တွင် ၁၃၇၅ခုနှစ် တပိုတွဲလပြည့်နေ့ (၁၄-၂-၂၀၁၄)က သီတဂူရွှေဥရာစုသစ် စက္ခုဒါန ဆေးရုံတော်ဖွင့်ပွဲကို ခမ်းနားထည်ဝါစွာ  ကျင်းပခဲ့သည်။

Read more: သီတဂူ ရွှေဥရာစုသစ် စက္ခုဒါန ဆေးရုံတော် ဖွင့်လှစ်

သီတဂူစက္ခုဒါနဆေးရုံ (သဲကုန်း)ဖွင့်မည်

ပြည်ခရိုင်၊ သဲကုန်းမြို့၊ သီတဂူဆရာတော်ကြီး၏မွေးရပ်မြေတွင် (၂၇) ရုံမြောက် “သီတဂူစက္ခုဒါနဆေးရုံတော်” အောက်ပါ အစီအစဉ်အတိုင်း ဖွင့်လှစ်မည် ဖြစ်သည်။ 

Read more: သီတဂူစက္ခုဒါနဆေးရုံ (သဲကုန်း)ဖွင့်မည်

စစ်ကိုင်းရောက် ဖိုးကံကောင်းတစ်ယောက်

သီတဂူကျန်းမာရေး၊ ပညာရေး စောင့်ရှောက်အဖွဲ့တို့သည် နာဂတောင်တန်းဒေသ၊ ဟုမ္မလင်းတို့ကို ရောက်ရှိ၍ ၃၁-၁၂-၂၀၁၃ မှ ၁၅-၁-၂၀၁၄ ရက်နေ့အထိ မျက်စိခွဲစိပ်ကုသခြင်း၊ သွားခံတွင်းကုသပေးခြင်း၊ နုတ်ခမ်းကွဲ အာခေါင်ကွဲများ ကုသပေးခြင်းအပြင် အထွေထွေကျန်းမာရေးများကိုပါ စစ်ဆေးကုသလျှက် ရှိရာ ထိုလူနာထဲတွင် သေသူဟုသတ်မှတ်ထားသော မောင်အောင်မင်းဟိန်းတစ်ယောက် သီတဂူဆရာတော်ကြီးနှင့် တွေ့ကြုံရသဖြင့် သူ့အတွက် မဟာ့မဟာကံထူးရှင် ဖြစ်ခဲ့ရသည်။

သူ့အပြင် သူ့လို ကံထူးရှင် ကလေးများကို နယ်ဒေသဆေးရုံတွေတွင် အဆင်မပြေသဖြင့် စစ်ကိုင်း သီတဂူအာယုဒါနဆေးရုံသို့ ခေါ်ဆောင်ကာ ဂရုတစိုက် ကုသပေးခြင်း စောင့်ရှောက်ပေးလျှက်ရှိသည်။ သီတဂူအာယုဒါနဆေးရုံမှ ဆရာ ဆရာမများ၏ နွေးထွေးစွာ စောင့်ရှောက်မှုတို့ကြောင့် ထိုကလေးများ စစ်ကိုင်းမှာ ပျော်နေကြသည်၊ စစ်ကိုင်းမှ မပြန်ချင်ဘဲ ရှိနေကြသည်။

ကျောက်ခဲကဲ့သို့မာကျောပြီး ဖောင်းကားနေသော မောင်အောင်မင်းဟိန်း၏ ဗိုက်ကလေးသည်လည်း တဖြည်းဖြည်း ပျော့ပြောင်းလာကာ အခြေအနေမှာ တိုးတက်လျှက်ရှိသည်။

သီတဂူဆရာတော်ကြီးသည် နယ်ဝေးများသို့ ဓမ္မဓူတခရီးကြွနေပေမဲ့ အဝေးကနေ တယ်လီဖုန်းဖြင့် ထိုကလေးများ၏ အခြေအနေများကို နေ့စဉ် ဆေးရုံအုပ်ကြီး ဒေါက်တာခင်မောင်ဇော်ထံ မေးလေ့ရှိသည်။ ယခုအခါ စစ်ကိုင်းသို့ရောက်ခိုက် ထိုကလေးများကို သွားရောက်အားပေးသည်၊ သီတဂူအာယုဒါနဆေးရုံသို့ တက်ရောက်ကုသနေကြသော လူနာများကို အခါအားလျှော်စွာ သွားရောက် အားပေးခြင်း၊ ဆေးရုံတွင် သန့်ရှင်းမှုနှင့် လိုအပ်နေသည်များကို ဖြည့်ဆည်းခြင်း၊ မှာကြားခြင်းများ ပြုလုပ်လေ့ရှိသည်။

“သီတဂူစန်းလပမာ ချမ်းမြသာယာ ရှိကြပါစေ”
သီတဂူသာသနာပြုအဖွဲ့
www.thesitagu.org