သီတဂူသာသနာပြုအဖွဲ့၏ မြန်မာပြည်အနှံ့ တည်ဆောက်ပြီး ဆေးရုံများတွင် (၂၆)ရုံမြောက် ဆေးရုံဖြစ်သော သီတဂူစက္ခုဒါနဆေးရုံတော်ကို စစ်ကိုင်းတိုင်းဒေသကြီး ဟုမ္မလင်းမြို့တွင် ၂၀၁၄၊ ဇန်နဝါရီ (၇)ရက်နေ့၊ နံနက် (၉)နာရီက ဖွင့်လှစ်လှူဒါန်းသည်။
သီတဂူဆရာတော် ဦးစီးသော သီတဂူ သာသနာပြုအဖွဲ့က သီတဂူ မေတ္တာစက္ခုဒါန ဆေးရုံတော်ကို သံတွဲမြို့တွင် ၂၀၁၃-ခု ဒီဇင်ဘာ ၂၄-၂၅ ရက်က ဖွင့်လှစ် လှူဒါန်းခဲ့သည်။
ယခု ဆေးရုံဖွင့်လှစ်ပြီးပြီးချင်းမှာပဲ ပြင်ပလူနာ (၁၅၇၅)ဦးကို စမ်းသပ်စစ်ဆေးပေးခဲ့သည်။ (၃၀၂) ဦးကိုတော့ ခွဲစိပ်ကုသပေးခဲ့သဖြင့် အမြင်အာရုံများ ရသွားကြသည်။ နိုင်ငံအနှံ့အပြားရှိ သီတဂူ ဆေးရုံ များစွာမှ ထိုဆေးရုံသည် ၂၅ ရုံမြောက် ဆေးရုံဖြစ်သည်။ ထိုဆေးရုံများတွင် ဘာသာမရွေး လူမျိုးမရေး တက်ရောက် ကုသမှုများ ခံယူနိုင်ပါသည်။
သီတဂူဆရာတော်နှင့် ပစ္ဆိမာရုံဆရာတော်တို့ တွဲဖက်ဦးဆောင်၍ တည်ဆောက်ထားသော မော်လမြိုင်ကျွန်းမြို့ရှိ သီတဂူလှဆန်းယဉ် စက္ခုဒါနဆေးရုံတော်၌ ဒုတိယအကြိမ် အခမဲ့ မျက်စိခွဲစိပ်ခြင်း စက္ခုဒါန အစီအစဉ်ကို (၂၃-၁၀-၂၀၁၃)မှ (၂၇-၁၀-၂၀၁၃)အထိ ဆောင်ရွက်ခဲ့သည်။
သီတဂူမိုဘိုင်းလ် Eye Clinic အဖွဲ့တွင် ပါမောက္ခ ဒေါက်တာ ဒေါ်မြင့်မြင့်ခိုင်၊ ဒေါက်တာ ဒေါ်ခင်အုံးဟန်၊ ဒေါက်တာ စဂျေလွင်နှင့် သီတဂူအာယုဒါနဆေးရုံမှ ဒေါက်တာ မိမိခင် ဦးဆောင် သူနာပြု၀န်ထမ်းများ ပါ၀င်ခဲ့သည်။
မော်လမြိုင်ကျွန်း ပြည်သူ့ဆေးရုံမှ ဆရာ၀န်၊ ဆရာမများ လုပ်အားဒါနကုသိုလ် ပါ၀င်ခဲ့ကြသည်။ (၂၃-၁၀-၂၀၁၃)မှ (၂၇-၁၀-၂၀၁၃)အထိ (၅)ရက်အတွက် လာရောက် စမ်းသပ်စစ်ဆေးကုသခြင်း ခံယူကြသော အပြင်ပလူနာပေါင်း (၆၉၄)ဦး၊ ခွဲစိပ်ကုသခြင်းခံယူပြီး မျက်စိအလင်းရသွားသူ လူနာပေါင်း (၂၄၅)ဦးတို့ ဖြစ်ကြသည်။
သီတဂူဆရာတော်ကြီး ဦးဆောင်သော သီတဂူသာသနာပြုအဖွဲ့တို့သည် မျက်စိအထူးကုဆရာ၀န်များ၊ သီတဂူအာယုဒါနဆေးရုံ (စစ်ကိုင်း) ဆရာ၀န်များနှင့် အထူးသူနာပြုများ လိုက်ပါလျှက် သံတွဲမြို့သို့ ဒီဇင်ဘာ၂၁ ရက်နေ့က တစ်ဖွဲ့၊ ၂၂ရက်နေ့က တစ်ဖွဲ့ ရောက်ရှိကြသည်။ထိုမြို့တွင် သီတဂူစက္ခုဒါန ဆေးရုံ (သံတွဲ) ၂၅ ခုမြောက်ဆေးရုံတော်အသစ်ကို ဖွင့်လှစ်ခြင်း၊ ၂၆ ရက်နေ့အထိ မျက်စေဝေဒနာရှင်များကို ခွဲစိပ်ကုသပေးခြင်းတို့ဖြစ်သည်။၂၀၁၄ ဇန္နဝါရီလ ၅ ရက်နေ့မှစ၍ ဟုမ္မလင်းမြို့မှာလည်း သီတဂူမျက်စိဆေးရုံဖွင့်ခြင်း၊ မျက်စေဝေဒနာ ကုသပေးခြင်းများ ပြုလုပ်မည် ဖြစ်ပါသည်။
"သီတဂူစန်းလပမာ ချမ်းမြသာယာ ရှိကြပါစေ"
သီတဂူသာသနာပြုအဖွဲ့
www.thesitagu.org
သီတဂူသာသနာပြုအဖွဲ့နှင့် သံတွဲအဖွဲ့တို့ ပူးပေါင်းပြီး သီတဂူမေတ္တာ စက္ခုဒါန (သံတွဲ) ဆေးရုံကို ၂၀၁၃ခုနှစ် ဒီဇင်ဘာ (၂၁)ရက်နေ့တွင် ဖွင့်လှစ်မည်။
ထိုဆေးရုံတွင် လူမျိုးမရွေး ဘာသာမရွေး ကုသမှုခံယူနိုင်ပါသည်။ ထို့ပြင် အောက်ပါ ဆေးရုံများကိုလည်း ဆက်တိုက်ဖွင့်လှစ်မည်။
(က) ဟုမ္မလင်း သီတဂူစက္ခုဒါန ဆေးရုံကို ၂၀၁၄ နှစ်ဦးပိုင်း ဇန္နဝါရီလ (၄)ရက်နေ့တွင် လည်းကောင်း၊
(ခ) သဲကုန်း သီတဂူအာရောဂျဒါနဆေးရုံကို ယခုနှစ် တပိုတွဲလပြည့်နေ့တွင်လည်းကောင်း ဖွင့်လှစ်မည် ဖြစ်သည်။
"သီတဂူစန်းလပမာ ချမ်းမြသာယာ ရှိကြပါစေ"
သီတဂူသာသနာပြုအဖွဲ့
www.thesitagu.org
We have 5 guests and no members online
အမှတ်-၁၀၊ ပါရမီလမ်းနှင့် ပင်လုံလမ်းဒေါင့့်၊ ဘေလီတံတားထိပ်၊ ဒဂုံမြို့သစ်မြောက်ပိုင်း၊
ဖုန်း-၀၁-၅၈၁၇၇၇၊ ၀၁-၅၈၁၉၉၉
မန္တလေးတောင်၊ မန္တလေးမြို့
ဖုန်း- ၀၂ ရ၅၂ ရ၈