အပြည်ပြည်ဆိုင်ရာ ဘာသာပေါင်းစုံ ငြိမ်းချမ်းရေး ဆွေးနွေးပွဲကြီး

၂၀၁၃ ခုနှစ် အောက်တိုဘာလ (၁) ရက် (၂) ရက် နေ့များမှာ သီတဂူအပြည်ပြည်ဆိုင်ရာ ဗုဒ္ဓ သာသနာပြုအဖွဲ့ SIBMA (Sitagu International Buddhist Missionary Association) နှင့် IGE (Institute of Global Engagement) တို့ ပူးပေါင်းပြီး ''ဘာသာရေး၊ ငြိမ်းချမ်းရေး၊ လုံခြုံရေး၊ အတူလက်တွဲ နေထိုင်ရေး'' ခေါင်းစဉ် ဖြင့် Academic Conference ကို သီတဂူကမ္ဘာ့ ဗုဒ္ဓ တက္ကသိုလ်၊ မြောက်ဒဂုံ၊ ရန်ကုန်တွင် ကျင်းပပြုလုပ်မည် ဖြစ်ပါသည်။

ထိုဘာသာပေါင်းစုံ ငြိမ်းချမ်းရေးတွေ့ဆုံဆွေးနွေးပွဲသို့ နိုင်ငံ ၁၇ နိုင်ငံမှ ဘာသာပေါင်းစုံ ကိုယ်စားလှယ်တော်ကြီးများက စာတမ်းဖတ်ကြားခြင်းများ၊ စားပွဲဝိုင်းဆွေးနွေးခြင်းများ ပြုလုပ်ကြမည်ဖြစ်သည်။

ပြည်ထောင်စု သမ္မတ မြန်မာနိုင်ငံတော်မှ သမ္မတကြီးပေးပို့သည့် သဝဏ်လွှာကို ဖတ်ကြားမည်၊ အမျိုးသားဒီမိုကရေစီအဖွဲ့ချုပ်ဥက္ကဋ္ဌ၊ လွတ်တော်အမတ် ဒေါ်အောင်ဆန်းစုကြည်က မိန့်ခွန်းပြောကြားမည်၊ ငြိမ်းချမ်းရေးစင်တာမှ ဝန်ကြီးများ၏ သဝဏ်လွာများကို ဖတ်ကြားမည်၊ အထူးဧည့်သည်တော်များနှင့် ဖိတ်ကြားထားသည့် ပညာရှင်များ ၁ဝဝ ကျော် တက်ရောက်ဆွေးနွေးကြမည် ဖြစ်သည်။
ထိုပွဲသို့ကြွရောက်လာသော ဧည့်သည်တော်ကြီးများအား အစားအစာတို့ဖြင့် တော်ဝင်မိသားစုက ဧည့်ခံကျွေးမွေး ပြုစုမည်။

Invitation Letter