ကျေးဇူးရှင် သီတဂူအဓိပတိဆရာတော်ကြီးသည် အထွေထွေစီမံအုပ်ချုပ်ရေးအဖွဲ့ (ရန်ကုန်) ကို အောက်ပါရဟန်းတော်များပါဝင်စေလျက် ၂၀-၀၈-၂၀၂၂နေ့၊ ညနေပိုင်းတွင် ဖွဲ့စည်းပေးလိုက်သည်။

**********

သီတဂူအပြည်ပြည်ဆိုင်ရာ ဗုဒ္ဓသာသနာပြုအဖွဲ့ (ရန်ကုန်)
သီတဂူကမ္ဘာ့ဗုဒ္ဓတက္ကသိုလ် (ရန်ကုန်)
သီတဂူစက္ခုဒါနဆေးရုံ (ရန်ကုန်)

ကျေးဇူးရှင် သီတဂူအဓိပတိဆရာတော်ကြီးသည် အထွေထွေစီမံအုပ်ချုပ်ရေးအဖွဲ့ (ရန်ကုန်) ကို အောက်ပါရဟန်းတော်များပါဝင်စေလျက် ၂၀-၀၈-၂၀၂၂နေ့၊ ညနေပိုင်းတွင် ဖွဲ့စည်းပေးလိုက်သည်။

၁။ ဒေါက်တာ အရှင်ပညောဘာသ(ဥက္ကဋ္ဌ)
၂။ ဒေါက်တာ အရှင်ကောဝိဒသိရီ (အတွင်းရေးမှူး)
၃။ အရှင်ဓမ္မိက (ဘဏ္ဍာရေးမှူး)
၄။ ဒေါက်တာ အရှင်သုနန္ဒ (အဖွဲ့ဝင်)
၅။ ဒေါက်တာ အရှင်ခေမာစာရာလင်္ကာရ (အဖွဲ့ဝင်)

စီမံအုပ်ချုပ်ရေးအဖွဲ့
သီတဂူကမ္ဘာ့ဗုဒ္ဓတက္ကသိုလ်(ရန်ကုန်)

သီတဂူအဓိပတိဆရာတော်ကြီးအား မြန်မာနိုင်ငံဆိုင်ရာ သီရိလင်္ကာ သံအမတ်ကြီး အသစ် H.E J.M.J.P Bandara က လာရောက် ဂါရဝပြုနုတ်ဆက်

**********

၉-၉-၂၀၂၂ ညနေပိုင်း၊ ရွှေကျင်နိကာယ သံဃရာဇာ၊ အဘိဓဇမဟာရဋ္ဌဂုရု သီတဂူဆရာတော်ကြီး အထံသို့ မြန်မာနိုင်ငံဆိုင်ရာ သီရိလင်္ကာသံအမတ် H.E J.M.J.P Bandara လာရောက်ဂါရဝပြု နုတ်ဆက်ပါသည်။

သီတဂူဆရာတော်ကြီးက သီရိလင်္ကာနိုင်ငံ၏ ငွေကြေးအကြပ်အတည်းကို လူသားချင်း စာနာထောက်ထားသောအားဖြင့်၎င်း နှစ်နိုင်ငံ ချစ်ကြည်ရင်းနှီးမှုအားဖြင့်၎င်း အမေရိကန် ဒေါ်လာ တစ်သောင်း (၁၀၀၀၀) ကို ရန်ကုန်မြို့၊ ဒဂုံမြို့သစ်မြောက်ပိုင်း၊ သီတဂူကမ္ဘာ့ဗုဒ္ဓတက္ကသိုလ်၌ လှူဒါန်းလိုက်ပါသည်။

သီတဂူစန်းလပမာ ချမ်းမြသာယာ ရှိကြပါစေ။

သီတဂူဆရာတော် ပါကစ္စတန်ရေးဘေးသင့်ပြည်သူများအတွက် အမေရိကန်ဒေါ်လာ တစ်သောင်းလှူ (ဒုတိယအကြိမ်)

**********

၉-၉-၂၀၂၂ မနက်ပိုင်း (၁၀:၀၀နာရီ)၊ ရွှေကျင်နိကာယ ဥက္ကဋ္ဌ သာသနာပိုင်၊ အဘိဓဇမဟာရဋ္ဌဂုရု သီတဂူအဓိပတိဆရာတော်ကြီးက မကြာသေးမီရက်ပိုင်းက ပါကစ္စတန်နိုင်ငံ သိန်းချီသော ရေဘးသင့်ခဲ့နေသော ပြည်သူများအတွက် အမေရိကန် ဒေါ်လာ ၁၀၀၀၀ (တစ်သောင်း) ကို လှူဒါန်းပါသည်။

ရန်ကုန်မြို့၊ ဒဂုံမြို့သစ် မြောက်ပိုင်း၊ သီတဂူကမ္ဘာ့ဗုဒ္ဓတက္ကသိုလ်၊ ကိုးထပ်ဆောင်မှာ သီတဂူအဓိပတိဆရာတော်ကြီးက ရန်ကုန်မြို့ရှိ ပါကစ္စတန်သံရုံး တာဝန်ခံများအား ပေးအပ်လှူဒါန်းပါသည်။

ပထမအကြိမ်= ၁၆-၉-၂၀၁၄ နှစ်က ပါကစ္စတန် ရေးဘေးသင့်ချိန်ကလည်း ရေးဘေးသင့်ပြည်သူများအတွက် အမေရိကန်ဒေါ်လာ တစ်သောင်း လှူခဲ့ဖူးသည်။

ရွှင်လန်းချမ်းမြေ့ပါစေ။
သီတဂူစတား