(၂၃)သီတဂူ အာရောဂျဒါနဆေးရုံ (ကျိုက်ထို)
သီတဂူဆရာတော်ကြီးနှင့် သီတဂူ တပည့် ဒကာဒကာမများသည် ၂၈-၅-၂၀၁၃ ရက်နေ့ ဖွင့်လှစ်မည့် မွန်ပြည်နယ် ကျိုက်ထိုမြို့ရှိ သီတဂူအာရောဂျဒါနဆေးရုံသို့ ရောက်ရှိကြသည်။ သီတဂူဆရာတော်ကြီးသည် မြေပြင် မြေပြန့်မကျန် မြန်မာပြည်နေရာ အနှံ့အပြားသို့ သွားရောက်ကာ သီတဂူမျက်စိဆေးရုံများ၊ သီတဂူအထွေထွေကု ဆေးရုံများ၊ ဆေးရုံသုံးပစ္စည်းများ စတဲ့ ကျန်းမာရေးအပြင် ပညာရေးအတွက် စာသင်ကျောင်းများ၊ ကွန်ပြူတာ သင်တန်းအဆောင်များ၊ ကွန်ပြူတာများကို သွားရောက်လှူလေ့ရှိသည်။
ဒီကနေ့ ၂၈-၅-၂၀၁၃ ရက်နေ့မှာ မွန်ပြည်နယ်၊ ကျိုက်ထိုမြို့မှာလဲ (၂၃) ခုမြှောက် “သီတဂူအာရောဂျဒါနဆေးရုံ” (အထွေထွေကု ဆေးရုံ)ကို လှူဒါန်း ဖွင့်လှစ်သည့်ပွဲသို့ ကြွရောက်သည်။ ထိုနေ့ညမှာလဲ အထူးတရားပွဲအဖြစ် ကျိုက်ထိုပြည်သူများအား တရားတော်များ ချီးမြင့်သည်။
"သီတဂူစန်းလပမာ ချမ်းမြသာယာ ရှိကြပါစေ"
သီတဂူသာသနာပြုအဖွဲ့
www.thesitagu.org
သီတဂူရွှေပြည်ဟိန်း စက္ခုဒါနဆေးရုံတော်
သီတဂူဆရာတော်ကြီးသည် ဆေးရုံစီမံကိန်းများကို အကောင်အထည်ဖော်ဆောင်ရွက်လာရာမှ ယခုဆိုရင် မြန်မာနိုင်ငံရှိ ပြည်နယ်ဒေသကြီးများနှင့် တိုင်းဒေသကြီးများတွင် တည်ဆောက်ဖွင့်လှစ်ပြီးဆေးရုံ ၁၂ ခုနှင့် တည်ဆောက်ဆဲ ဆေးရုံ ၆ ခုတို့ဖြစ်သည်။
ထိုဆေးရုံ ၁၈ ခုတို့တွင် ၂၇-၂-၂၀၁၁ နေ့က ရန်ကုန်းတိုင်း ရန်ကင်းမြို့တွင် သီတဂူရွှေပြည်ဟိန်း စက္ခုဒါနဆေးရုံတော်ကို စည်ကားသိုက်မြိုက်စွာ ဖွင့်လှစ်နိုင်ခဲ့သည်။ ထိုဆေးရုံရှိ ဆေးရုံသုံး ပစ္စည်းများအားလုံးကို သီတဂူဆရာတော်ကြီးက လှူဒါန်းသည်၊ ထိုတန်ဖိုးသည် ကျပ်သိန်းနှစ်ထောင် (၂၀၀၀,၀၀၀၀၀) ကျော် ရှိသည်ဟု သိရသည်။
ဖွင့်ပွဲ
ထိုဖွင့်ပွဲ အခမ်းအနားသို့ နိုင်ငံတော် သံဃာမဟာနာယက ဥက္ကဋ္ဌ ဘဒ္ဒန္တကုမာရာဘိဝံသ ဗန်မော်ဆရာတော်ကြိး၊ သံဃနာယက ဆရာတော်များ၊ ကျန်းမာရေးဌာန ဒု၀န်ကြီးနှင့်အဖွဲ့၊ ရုပ်ရှင်သရုပ်ဆောင်များ၊ အနုပညာရှင်များနှင့် အလှူရှင်များ တက်ရောက်ကြသည်။
မျက်စိအထူးကု ဆရာ၀န်ကြီးများဖြစ်ကြသော ဒေါက်တာမြအောင်၊ ဒေါက်တာစဂျေလွင်၊ ဒေါက်တာရီရီအောင်၊ ဒေါက်တာမိမိခင်နှင့် အခြားမျက်စိ ကျွမ်းကျင်ဆရာ၀န်ကြီးများနှင့် သူနာပြုများက မျက်စိ ဝေဒနာရှင် ၁၀၄ ယောက်ကို မျက်စိအလင်းပေးခဲ့ပြီး ခွဲစိတ်စရာမလိုသော မျက်စိဝေဒနာရှင်များကို စမ်းသပ်စစ်ဆေးမှုများ ပြုလုပ်ပေးခဲ့သည်ဟု သိရသည်။
"သီတဂူစန်းလပမာ ချမ်းမြသာယာ ရှိကြပါစေ"
သီတဂူသာသနာပြုအဖွဲ့
www.thesitagu.org
သီတဂူအာရောဂျဒါနဆေးရုံ (ထား၀ယ်)
၁၃၇၂ ခုနှစ် တပိုတွဲလဆန်း(၉)ရက်၊ (12-2-2011) ပြည်ထောင်စုနေ့တွင် တနင်္သာရီတိုင်း ထား၀ယ်မြို့၌ သီတဂူအာရောဂျဒါနဆေးရုံ (ထား၀ယ်) ကို အောင်မြင်စွာ ဖွင့်လှစ်နိုင်ခဲ့သည်။ ထိုဆေးရုံအဆောက်ဦးကြီးကို ထား၀ယ်မြို့သူ မြို့သားများက ဆောက်လုပ်လှူဒါန်းပြီး ဆေးရုံသုံးပစ္စည်းအားလုံးနှင့်လူနာသုံး ပစ္စည်းများကို သီတဂူသာသနာပြုအဖွဲ့က လှူဒါန်းသည်။
ပြည်ထောင်စုနေ့တွင် သီတဂူဆရာတော်ကြီးကိုယ်တိုင် ကြွရောက်ပြီး စစ်ဆေးခြင်း၊ လိုအပ်သည်များကို ဖြည့်စွပ်ခြင်းများကို ပြုလုပ်ပြီး ဖွင့်လှစ်ပေးခဲ့သည်။ သီတဂူအာရောဂျဒါန (ထား၀ယ်) ဆေးရုံသည် သီတဂူဆေးရုံများ၏ ၁၀ ခုမြောက်ဖြစ်သည်။
ဆေးရုံဖွင့်ပွဲအခမ်းအနားမတိုင်မီ စစ်ကိုင်းမြို့ သီတဂူအာယုဒါနဆေးရုံမှ ဆေးရုံးအုပ်ကြီး ဒေါက်တာခင်မောင်ဇော်နှင့်အဖွဲ့ ကြိုတင်ပြင်ဆင်မှုနှင့် လိုအပ်သည်များကို ဖြည့်ဆည်းသည်။ ထို့နောက် စစ်ကိုင်း သီတဂူအာယုဒါနဆေးရုံ မျက်စိအထူးကုဌာနမှ ဆေးရုံအုပ် ဒေါက်တာမိမိခင်နှင့်သူနာပြုများ လိုက်ပါပြီး မျက်စိဝေဒနာရှင်များကို လူမျိုးမရွေး ဘာသာမခွဲခြားဘဲ ကြိုတင်စစ်ဆေးမှုများ ပြုလုပ်ပေးသည်။ ခွဲရမည့်လူနာနှင့် ခွဲစရာမလိုဘဲ ဆေးစားရမည့် မျက်စိဝေဒနာရှင်များကို စနစ်တကျ စစ်ဆေးသည်။
ပညာဒါန လုပ်အားဒါနပြုကြသော မျက်စိအထူးကု ဆရာ၀န်ကြီးများမှာ---
၁။ ဒေါက်တာ မြအောင်
၂။ ဒေါက်တာ သိန်းမြင့် (အင်္ဂလန်)
၃။ ဒေါက်တာ စဂျေလွင်
၄။ ဒေါက်တာ ပွင့်ဦး
၅။ ဒေါက်တာ တင့်ဇော်ဦး
၆။ ဒေါက်တာမင်းသန်းနိုင်ဦး (ထား၀ယ် မျက်စိဆေးရုံ) နှင့်သူနာပြုများ၊ တက္ကသိုလ် ကောလိပ်မှ ဆရာ ဆရာများ၊ သီတဂူအာယုဒါနမှ ဆေးရုံအုပ်ကြီး၊ မျက်စိဌာနမှ ဆေးရုံအုပ် နှင့် အထူးသူနာပြု ဆရာ ဆရာမတို့ ဖြစ်ကြသည်။
၈-၂-၂၀၁၁ နေ့မှ ၁၃-၂-၂၀၁၁ အထိ မနားမနေ စစ်ဆေးခြင်းနှင့် ခွဲစိတ်မှုပြုလုပ်ခဲ့ရာ ယနေ့ ၁၂ ရက်နေ့အထိ ၃၀၅ ယောက် ခွဲစိတ်ပြီးဖြစ်သည်။ ကျန်လူနာများကို ယနေ့ ၁၃ ရက်နေ့ အပြီးသက် ခွဲစိတ်မည်ဟုသိရသည်။
စမ်းသပ်စစ်ဆေး- လူနာ ၁၅၀၀ (တစ်ထောင်ငါးရာ)ကျော် နှင့် ခွဲစိတ်ပြီး- မျက်စိ ဝေဒနာရှင် ၃၁၈ ယောက်ကို မျက်စိအလင်း ပေးနိုင်ခဲ့ပါသည်။
ဆရာတော်ကြီး၏ စီမံညွန်ကြားချက်အတိုင်း သီတဂူသာသနာပြုအဖွဲ့၏ ဘာသာရေး လူမှုရေးလုပ်ငန်းများကို ပါ၀င်ပြီး ကာယဒါန ပြုကြသော ထား၀ယ်မြို့သူမြို့သားများ၊ ဓနဒါန အလှူငွေများနှင့် ဆေးရုံသုံးပစ္စည်းများ လှူဒါန်းကြသော ထား၀ယ်သူ ထား၀ယ်သားများနှင့် အနယ်နယ်အရပ်ရပ်ရှိ အလှူရှင်များ၊ ဉာဏဒါန- မိမိတို့အတက်ပညာဖြင့် လုပ်အားပေးကြသော အနယ်နယ် အရပ်ရပ်ရှိ မျက်စိအထူးကုဆရာ၀န်ကြီးများ၊ သူနာပြုများနှင့် အခြားကုသိုလ်ရှင်များ အားလုံးကို ဤပို့စ်ဖြင့် ဂုဏ်ပြုမှတ်တမ်းတင်ပါသည်။
နှိုးဆော်
ဤသို့အားဖြင့် သီတဂူသာသနာပြုအဖွဲ့၏ အင်တိုက်အားတိုက် အဆက်မပြတ် ဘာသာရေး၊ လူမှုရေး ဆောင်ရွက်မှုများတွင် ကိုယ်စွမ်းသလောက် ဉာဏ်စွမ်းရှိသလောက် မည်သူမဆို ပါ၀င်နိုင်ပါကြောင်းလည်း တိုက်တွန်းနှိုးဆော်လိုက်ပါသည်။
"သီတဂူစန်းလပမာ ချမ်းမြသာယာ ရှိကြပါစေ"
သီတဂူသာသနာပြုအဖွဲ့
www.thesitagu.org
သီတဂူဗြဟ္မာယု အာယုဒါန
ဆေးရုံတော်များ
သီတဂူအာယုဒါန ဆေးရုံကြီးကို ရှေးဦးစွာတည်ထောင်ကာ လူနာပေါင်း မြောက်မြားစွာရဲ့ အသက်ကိုကုသ ကယ်တင်ခဲ့သည်မှာ နှစ်ပေါင်း ၂၁ ပင်ရောက်ရှိလာပြီ။ ဆေးပစ္စည်းနှင့် ဆေးရုံသုံးပစ္စည်းများ လိုအပ်နေသော မြို့နယ်များစွာရှိ ဆေးရုံတို့တွင် ဖြည့်ဆည်း လှူဒါန်းခဲ့သည့် အပြင် မြို့နယ် ကျေးရွာတို့တွင်လည်း ဆေးရုံများတည်ဆောက်ကာ လှူဒါန်းခဲ့သည်။ ဥပမာ-ပန်းတနော်ဆေးရုံ၊ သိပေါဆေးရုံ၊ ကလေးမြို့ဆေးရုံ၊ နတ်မောက်ဆေးရုံ၊ ဆားတောင်ဆေးရုံ အစရှိသည်တို့ဖြစ်သည်။
ယခု တပေါင်းလပြည့် ဆရာတော်ကြီး၏ မွေးနေ့အထိမ်းအမှတ်အဖြစ် ဆားတောင် သီတဂူ ဗြဟ္မာယု ပြည်သူ့ဆေးရုံတော် ကြီးကို ခမ်းနားစွာ ဖွင့်လှစ်နိုင်ခဲ့သည်။ ထိုဆေးရုံအဆောက်ဦးကြီး၏ ကုန်ကျစရိတ်မှာ ကျပ်သိန်း ၃၀၀၀ ကျော် ရှိပြီး ဆေးရုံထဲတွင် တပ်ဆင်ထားသော ပစ္စည်းတန်ဘိုးမှာ ကျပ်သိန်း ၄၀၀၀ (လေးထောင်) ကျော်ရှိသည်ဟု သိရပါသည်။ ထိုဆေးရုံကြီးပေါ် ပေါက်လာသောကြောင့် ထိုဒေသရှိ ပြည်သူတွေ အားရ၀မ်းသာဖြစ်ကာ ဆရာတော်ကြီးကို အထူး ကျေးဇူးတင်နေကြသည်။
"သီတဂူစန်းလပမာ ချမ်းမြသာယာ ရှိကြပါစေ"
သီတဂူသာသနာပြုအဖွဲ့
www.thesitagu.org
သီတဂူစက္ခူ့ဒါနဆေးရုံ (လွိုင်ကော်)
သီတဂူဆရာတော် ဦးဆောင်သော သီတဂူသာသနာပြုအဖွဲ့နှင့် တက်လမ်းဆောက်လုပ်ရေးကုမ္ပဏီ မိသားစုတို့ လှူဒါန်းသော အမှတ်စဉ် (၁၅) သီတဂူတက်လမ်းစက္ခူ့ဒါနဆေးရုံ (လွိုင်ကော်)ကို (၂၀-၁၂-၂၀၁၁)နေ့ မနက်ပိုင်းက ကယားပြည်နယ် လွိုင်ကော်မြို့ ကန္တာရ၀တီကျောင်းတိုက်ရှိ ဆေးရုံတည်နေရာတွင် ဖွင့်လှစ်ကျင်းပပါသည်။
"သီတဂူစန်းလပမာ ချမ်းမြသာယာ ရှိကြပါစေ"
သီတဂူသာသနာပြုအဖွဲ့
www.thesitagu.org
၁၉ခုမြောက် သီတဂူစက္ခုဒါနဆေးရုံ
သီတဂူစက္ခုဒါနမျက်စိ အထူးကုဆေးရုံကို ရှမ်းပြည်မြောက်ပိုင်း၊ မူဆယ်ခရိုင်၊ နမ့်ခမ်းမြို့၊ ဇေယျသုခဘုန်းတော်ကြီးသင် ပညာရေးကျောင်း၀င်းအတွင်း တည်ဆောက် ဖွင့်လှစ်သည်။ ၂၀၁၂- နို၀င်ဘာ ၁၄ ရက်နေ့တွင် သီတဂူစက္ခုဒါန ဆေးရုံဖွင့်ပွဲအခမ်းအနား ကျင်းပခဲ့သည်။
သီတဂူစက္ခုဒါနဆေးရုံတော်အတွက် မြေနေရာနှင့် အဆောက်အဦးကို ဇေယျသုခဘုန်းတော်ကြီးနှင့် တပည့် ဒကာ ဒကာမများက လှူဒါန်းသည်။ ထိုဆေးရုံတွင်တပ်ဆင်သော မီးစက်၊ ဆေးရုံသုံးပစ္စည်းအားလုံးကို သီတဂူဆရာတော်ကြီးနှင့် တော်၀င်စင်တာမှ ဦးကိုကိုထွေး မိသားစု၊ ရာစုသစ်ရွှေဆိုင်ပိုင်ရှင် ဒေါ်ရွှေဥတို့နှင့် သီတဂူသာသနာပြုအဖွဲ့က လှူဒါန်းသည်ဟု သိရသည်။
သီတဂူသာသနာပြုအဖွဲ့၏ ၁၉ ခုမြောက်ဆေးရုံတော်ဖြစ်သော သီတဂူစက္ခုဒါန မျက်စိအထူးကုဆေးရုံ (နမ့်ခမ်း)ကို သီတဂူသာသနာပြုအဖွဲ့မှ ကျပ်သိန်းပေါင်း ၄၀၀၀ (လေးထောင်) ကျော် ပါ၀င် လှူဒါန်းထားသည်ဟု သိရသည်။
ယခု ၂၀၁၂ခုနှစ်၊ နို၀င်ဘာ ၁၁ ရက်နေ့က စပြီး မျက်စိဝေဒနာရှင်များကို အခမဲ့ စမ်းသပ်ခြင်း၊ စစ်ဆေးခြင်း၊ ကုသခြင်းများကို ပြုလုပ်နေပြီ ဖြစ်သည်။
"သီတဂူစန်းလပမာ ချမ်းမြသာယာ ရှိကြပါစေ"
သီတဂူသာသနာပြုအဖွဲ့
www.thesitagu.org
သီတဂူအာရောဂျဒါန ဆေးရုံ (မြိုင်ကြီးငူ)
ကရင်ပြည်နယ်၊ မြိုင်ကြီးငူဒေသရှိ ပြည်သူများအတွက် ရောက်လာပါပြီ သီတဂူ။ သီတဂူဆရာတော်ကြီးသည် မြန်မာပြည်တဝှမ်းလုံးရှိ ပြည်နယ်နှင့်တိုင်းဒေသကြီးများ၊ ဝေးလံခေါင်သော နေရာများကို သွားရောက်၍ သီတဂူဆေးရုံတော်များ ဆောက်လုပ်လှူဒါန်းသည်။ မျက်စိအထူးကုဆေးရုံများနှင့် အထွေထွေ ဆေးရုံတော် များဖြစ်သည်။
ယခုနှစ် ၂၀၁၁၊ နို၀င်ဘာ (၁၄) ရက်နေ့တွင် ကရင်ပြည်နယ် မြိုင်ကြီးငူဒေသအတွက် အမှတ်စဉ် (၁၄) သီတဂူအာရောဂျဒါန (အထွေထွေဆေးရုံ) ဆေးရုံတော်ကြီးကို သီတဂူဆရာတော်ကြီးနှင့် တပည့်ဒကာ ဒကာမများ သွားရောက် ဖွင့်လှစ်ခဲ့သည်။
ထိုဆေးရုံဖွင့်ပွဲ အခမ်းအနားကို DKBA ဌာနက လက်ခံ ကျင်းပပေးသည်။ သီတဂူဆရာတော်ကြီးနှင့် အတူ လိုက်ပါလာသော အလှူရှင် သီတဂူဒကာ ဒကာမများအား DKBA မှ ကရင်၀တ်စုံများကို လက်ဆောင်ပေးသည်။ ထို၀တ်စုံများ ၀တ်ဆင်ကာ အခမ်းအနား ဖွင့်ပွဲကို တက်ရောက်ကြရသည်။
"သီတဂူစန်းလပမာ ချမ်းမြသာယာ ရှိကြပါစေ"
သီတဂူသာသနာပြုအဖွဲ့
www.thesitagu.org
သီတဂူ ဒီပင်္ကာရာ စက္ခုဒါနဆေးရုံ
မကွေးတိုင်း နတ်မောက်မြို့ ဒီပင်္ကာရာဘုန်းကြီးကျောင်းတွင် (၄-၁-၂၀၁၀)နေ့က
သီတဂူဆရာတော်ကြီးရဲ့ လမ်းညွှန်မှု့နှင့် ဆရာတော်နှင့် အလှူရှင် ဖြစ်သော ဒေါ်ခိုင်ဇော်တို့မှ ဆေးရုံကြီးတစ်ခု တည်ဆောက်လှူဒါန်းခဲ့သည်။ ထိုဆေးရုံတော်၏ အမည်မှာ သီတဂူ ဒီပင်္ကာရာ စက္ခုဒါန ဆေးရုံ ဟု အမည်တွင်စေခဲ့ပါသည်။
ဆရာတော်ကြီးသည် မျက်စိအလင်း အာရုံမကောင်းသူများအတွက် မျက်စိအလင်းပြန်လည်ရစေရန် ရည်ရွယ်ပြီး ပန်းတနော်မြို့၊ သီပေါမြို့၊ ကလေးမြို့ကဲ့သို့သော သီတဂူစက္ခုဒါနဆေးရုံပေါင်းများစွာကို တည်ဆောက်ဖွင့်လှစ်လှူဒါန်းလျက်ရှိရာ ယခုအခါမှာလည်း ဗိုလ်ချူပ်အောင်ဆန်း၏ မွေးရပ်ဇာတိဖြစ်သော နတ်မောက်မြို့တွင် သီတဂူဒီပင်္ကရာစက္ခုဒါနဆေးရုံကို ဖွင့်လှစ်နိုင်ခဲ့ပါသည်။ ဤဆေးရုံတော်ကြီးကား တခြားသောဆေးရုံဖွင့်ပွဲတွေထက် ထူးခြားနေသည်။
အကြောင်းကား နိုင်ငံတော် သံဃာ့မဟာနာယက ဥက္ကဋ္ဌ မကွေးဆရာတော်ကြီးကိုယ်တိုင် ဆိုင်းဘုတ်ကို စက်ခလုတ်နှိပ်ဖွင့်ပေးခဲ့ပါသည်။ ထိုဆေးရုံတော်ကြီး စွန့်လွတ်လူဒါန်းပွဲကို နတ်မောက်မြို့ အားကစားကွင်းတွင် ထိုနေ့ညကကျင်းပခဲ့ရာ ထိုဒေသအနီးတဝိုက်မှ တရားနာလာရောက်ကြသော ပရိတ်သတ်များက ကွင်းကြီးအပြည့်လာရောက် တရားနာကြသည်။ ဆရာတော်ကြီးရဲ့ ဆုတောင်းရေစက်ချ အမျှဝေသံသည် အထက်ဘ၀ဂ်အထိ ရောက်မည်ထင်ပါသည်။ သာဓုသံတို့ဖြင့် ဖုံးလွမ်းလျက်ရှိသည်။ ကြားရသူတိုင်းရဲ့ ရင်ထဲ၀ယ် ၀မ်းသာပီတိမျက်ရည်ဝဲခဲ့ကြရပါသည်။
"သီတဂူစန်းလပမာ ချမ်းမြသာယာ ရှိကြပါစေ"
သီတဂူသာသနာပြုအဖွဲ့
www.thesitagu.org
သီတဂူစက္ခုဒါန ကလေးမြို့
(၂၉- ၁၂-၂၀၀၉)နေ့ တွင် စစ်ကိုင်းတိုင်း ကလေးမြို့ မဟာသန္တာရုံ ဘုန်းကြီးကျောင်း၀န်းအတွင်းတွင် သီတဂူဆရာတော်ကြီး၏ လမ်းညွှန်မှု့နှင့်အညီ သီတဂူအလှူရှင်များက သီတဂူစက္ခုဒါန အမည်ရှိ ဆေးရုံတော်ကြီးကို ဖွင့်လှစ်ခဲ့ပါသည်။
ထိုဆေးရုံတွင် မျက်စိဝေဒနာရှင်ပေါင်းများစွာကိုပြည်တွင်း/ပြည်ပ မျက်စိအထူးကု ဆရာ၀န်ကြီးများက လိုအပ်သလို ကုသပေးခဲ့ကြပါသည်။ ဆရာတော်ရဲ့ သာသနာပြုလုပ်ငန်းများစွာထဲတွင် တစ်ခုအပါအ၀င်ဖြစ်သော စက္ခုအာရုံ ချို့တဲ့နေကြသူများကို အလင်းဆောင်ပေးရန်အတွက် သီတဂူစက္ခုဆေးရုံများကို တည်ဆောက်ဖွင့်လှစ်ခဲ့လေသည်။ ထိုဆေးရုံများစွာထဲတွင် သီတဂူစက္ခုဒါနဆေးရုံတော်(ကလေးမြို့)သည် ( ၃)ခုမြောက်ဆေးရုံဖြစ်ပါသည်။
ထိုဖွင့်ပွဲတွင် ဒေသခံချင်းအမျိုးသားကြီးတစ်ဦးက ဆရာတော်အား "အခုလို မျက်စိအလင်းပေးတဲ့ အစီအစဉ်တွေမှာ တပည့်တော်တို့ ဘာသာခြားတွေကော ပါ၀င်ကုသခွင့်ရှိပါသလားလို့ " မေးမြန်းသောအခါ ဆရာတော်ကြီးက " ဘုန်းကြီးတို့ အခုလိုမျက်စိ ကုသပေးတဲ့ အစီအစဉ်တွေမှာ လူမျိုး၊ ဘာသာ၊ ဆင်းရဲ၊ ချမ်းသာမရွေး မည်သူမဆို လာရောက် ဆေးကုသခံယူနိုင်ပါကြောင်းနှင့် မည်သူ့ကိုမဆို မေတ္တာ၊ စေတနာ အပြည့်ထားကာ စောင့်ရှောက် သာသနာပြုနေကြောင်း မိန့်ဆိုတော်မူခဲ့သည်။
ယ္ခုကဲ့သို့ သီတဂူစက္ခုဒါန ဆေးရုံတော်ကြီး ဖွင့်လှစ်လိုက်သောကြောင့် ကလေးမြို့နှင့် ချင်းတောင်တန်း ပတ်၀န်းကျင်များမှ တိုင်းရင်းသား ဒေသခံပြည်သူလူထုများကလဲ ဖေါ်မပြနိုင်ကြအောင် ရင်ထဲ၀ယ် ပီတီဖြစ်နေကြတယ်ဆိုတာကို ဒေသခံပြည်သူတွေရဲ့ မျက်နှာတွေမှာ မြင်နေရပါသည်။
"သီတဂူစန်းလပမာ ချမ်းမြသာယာ ရှိကြပါစေ"
သီတဂူသာသနာပြုအဖွဲ့
www.thesitagu.org
သီတဂူအာယုဒါန ဆေးရုံတော်
သီတဂူအဖွဲ့သည် အာယုဒါနဆေးရုံတော်ကို ၁၃၄၇-(၁၉၈၅)ခုနှစ်တွင် စတင်စီမံ တည်ဆောက်ခဲ့ပြီး ၁၃၅၂-(၁၉၉၂)ခုနှစ်တွင် ဖွင့်လှစ်၍ စစ်ကိုင်းတောင်နှင့် အနယ်နယ် အရပ်ရပ်မှ လူနာများကို စတင်ကုသခဲ့ပါသည်။ ဆေးရုံတော်စဖွင့်သောနေ့က အတွင်းလူ နာ (၁၂)ယောက်၊ အပြင်လူနာ (၃၀)၊ မျက်စိခွဲစိပ်လူနာ တစ်ဦးမျှသာရှိခဲ့ပါသည်။ ယနေ့ နေ့စဉ်အတွင်းလူနာ (၅၀)မှ (၁၀၀)အကြားရှိပါသည်။ အပြင်လူနာ (၁၀၀)မှ (၁၅၀)အကြား ရှိပါသည်။ မျက်စိအထူးကုဌာနတွင် မျက်စိရောဂါမှန်သမျှ ကုသနိုင်သော ခေတ်မီစက်များ အစုံအလင်ရှိနေပြီ ဖြစ်ရာမြန်မာပြည်တစ်၀န်းလုံးမှ ရောက်ရှိလာကြသော မျက်စိဝေဒနာ ရှင်အပေါင်းကို ပြည်ပပြည်တွင်းမှ မျက်စိအထူးကုဆရာ၀န်ကြီးများဖြင့် ထိထိရောက်ရောက် ကုသပေးလျက်ရှိပါသည်။ ၂၀၀၄ - ၂၀၀၅ဆောင်းရာသီတစ်ခုတည်းတွင် ပြည်ပပြည်တွင်း မျက်စိအထူးကုအဖွဲ့ပေါင်း (၁၀)ဖွဲ့တို့က ခွဲစိပ်ကုသခဲ့ရာ မျက်စိဝေဒနာရှင်ပေါင်း ၉၀၀-ခန့် မျက်စိအလင်းရခဲ့ကြပါသည်။
ယနေ့ကာလဒေသ အဂ္ဃ ဓန အခြေအနေအရ အာယုဒါန ဆေးရုံတော်၏ လစဉ် ကုန်ကျစရိတ်မှာ အောက်ပါအတိုင်းဖြစ်သည်။
"သီတဂူစန်းလပမာ ချမ်းမြသာယာ ရှိကြပါစေ"
သီတဂူသာသနာပြုအဖွဲ့
www.thesitagu.org
သီတဂူစက္ခုဒါန ဆေးရုံ (ကလေး)
သီတဂူစက္ခုဒါနဆေးရုံတော်သည် ကလေးခရိုင်၊ ကလေးမြို့၊ စစ်ကိုင်းတိုင်းဒေသကြီးတွင်ရှိသည်။ သီတဂူစက္ခုဒါနဆေးရုံတော်ကို ရဟန်း ရှင် လူ ပြည်သူများ ကောင်းမှုဖြင့် သီတဂူဆရာတော်၊ စကားလှဓမ္မာရုံဆရာတော်၊ နေသာပညာဒါနဆရာတော်နှင့် မဟာသန္တာရုံဆရာတော်ကြီးများ သြဝါဒကို ခံယူလျက် ၁၃၇၁ ခုနှစ်(၂၀၀၉)နှစ်တွင် အောင်မြင်စွာ ဖွင့်လှစ်နိုင်ခဲ့သည်။
ယခုအခါ ထိုဆေးရုံတော်ကြီးတွင် ပြည်တွင်းပြည်ပမှ ဆရာ၀န်ကြီးများ သူနာပြုများ၏ ကုသိုလ်များဖြင့် အနယ်နယ် အရပ်ရပ်မှ မျက်စိဝေဒနာရှင်ပေါင်းများစွာကို မျက်စိအလင်းများ ပေးနိုင်ခဲ့ပြီ ဖြစ်ပါသည်။
အစီအစဉ်များ
၁။ ပထမအကြိမ်
မျက်စိဝေဒနာရှင် ၁၁၅၄ ဦးကို စမ်းသပ်စစ်ဆေးပြီး ၂၅၁ ဦးကို ခွဲစိတ်ကုသပေးပြီး မျက်စိအလင်းများ ပေးနိုင်ခဲ့သည်။
၂။ ဒုတိယအကြိမ်
မျက်စိဝေဒနာရှင်ပေါင်း ၇၃၅ ဦးကို စမ်းသပ်စစ်ဆေးပြီး ၁၇၅ ဦးကို ခွဲစိတ်ကုပေးနိုင်ပြီး မျက်စိအလင်းများ ရရှိသွားနိုင်ကြပါသည်။
၃။ တတိယအကြိမ်
မျက်စိဝေဒနာရှင် ၆၀၅ ဦးကို စမ်းသပ်စစ်ဆေးပြီး ၁၇၅ ဦးကို ခွဲစိတ်ကာ မျက်စိအလင်းများ ပေးနိုင်ခဲ့သည်။
၄။ စတုတ္ထအကြိမ်
မျက်စိဝေဒနာရှင် ၆၁၅ ဦးကို စမ်းသပ်စစ်ဆေးပြီး ၁၇၀ ဦးကို ခွဲစိတ်ကုသပေးပြီး မျက်စိအလင်းများ ပေးနိုင်ခဲ့သည်။
ဤသို့အားဖြင့် ဤ သီတဂူစက္ခုဒါနဆေးရုံတော်၌ တနှစ်ကျော်အတွင်း လေးကြိမ်တိုင်တိုင် အထူးဆေးခန်းများ ဖွင့်လှစ်ခါ ပြည်တွင်းပြည်ပမှ အထူးကုဆရာ၀န်ကြီးများနှင့် သူနာပြုများ လာရောက် လုပ်အားဒါန ပညာဒါန ပြုကာ ကုသိုလ်ပါ၀င်ခဲ့ကြပါသည်။ ဤ မျက်စိဝေဒနာရှင်များတွင် ဗမာလူမျိုး (၅၅) ရာခိုင်နှုံးသာရှိပြီး (၄၅) ရာခိုင်နှုံးသော မျက်စိဝေဒနာရှင်များမှာ ချင်းတိုင်းရင်းသားများ ဖြစ်ကြသည်။ ဤ သီတဂူစက္ခုဒါနဆေးရုံတော်သည် လူမျိုးမရွေး ဘာသာမရွေး ကုသပေးနေသောကြောင့် ခရစ်ယာန်သီလရှင်များစွာလည်း လာရောက် ကုသမှုကို ခံယူလျက်ရှိကြပါသည်။
ကုသိုလ်ယူ
လူနာများကို လာရောက်ကုသပေးကြသော အနယ်နယ်အရပ်ရပ်မှ ဆရာ၀န်ကြီးများနှင့် သူနာပြုများ၏ ခရီးစရိတ်၊ စားစရိတ် အ၀အ၀တို့ကို သီတဂူစက္ခုဒါနဆေးရုံတော်စောင့်ရှောက်ရေးအဖွဲ့မှ တာ၀န်ယူပေးကြပါသည်။
လူနာများအတွက် အခွင့်ကောင်း
ထိုဒေသရှိ မျက်စိဝေဒနာရှင်များသည် ယခုအခါ သူတို့အတွက် များစွာသော အခွင့်ထူးများရရှိကြပါသည်။ ထိုဒေသမှ ရန်ကုန်၊ မန္တလေး၊ စစ်ကိုင်းစသော မြို့ကြီးများသို့ သွားရမည်ဆိုလျင် သွားစရိတ် စားစရိတ် ခွဲစိတ်ခနှင့် ဆေးဖိုးများအတွက် များစွာ အကုန်အကျ များမည့်အပြင် သွားရ လာရသည့် ခရီးဝေးကြောင့် အလွန်ပင်ပန်းပါလိမ့်မည်။ ထိုအခက်အခဲများကို ထိုဒေသရှိ သီတဂူစက္ခုဒါနဆေးရုံတော်ကြီးမှ ကျွမ်းကျင်သော ဆရာ၀န်ကြီးများက ခေတ်မီသော စက်များကို အသုံးပြုကာ ဖြေးရှင်းပေးနေသည်မှာ အလွန် ကျေနပ်စရာ ကောင်းလှပါသည်။
ကုန်ကျစရိတ်များ
တကြိမ်အစီအစဉ် ကုန်ကျမှုပမာဏမှာ ကျပ်သိန်းပေါင်း ၁၀၀ ကျော်ပါသည်။ ဆရာ၀န်ကြီးများ၊ သူနာပြုများနှင့် လုပ်အားပေးများ၏ စားစရိတ်နှင့် ခရီးစရိတ်အတွက် (၃၅) သိန်းနှင့် ဆေးဘိုး ကျပ်သိန်း(၁၀၀) ဖြစ်ပါသည်။
နှိုးဆော်
ဘ၀ဆက်တိုင်း မျက်စိအလင်း (မံသစက္ခု)ကောင်းမွန်ခြင်းမှ ဒိဗ္ဗစက္ခု (နတ်မျက်လုံး)၊ ဓမ္မတည်းဟူသော ဉာဏ်မျက်လုံး၊ မဂ်ဉာဏ် (ဓမ္မစက္ခု)ကို ရည်စိတ်သန်ကာ လူသားချင်းကိုယ်ချင်းစာ စာနာစိတ် ကရုဏာ မေတ္တာ တို့ဖြင့် သီတဂူစက္ခုဒါနဆေးရုံတော်သို့ လာရောက် လှူဒါန်းနိုင်ပါကြောင်း နှိုးဆော်လိုက်ပါသည်။ ထိုဆေးရုံတော်ကြီး အရှည်တည်တံ့ ရပ်တည်နိုင်ရန်အတွက် မိမိတို့ ကိုယ်အား ဉာဏ်အား သဒ္ဓါအား ရှိသလောက် အောက်ပါ လိပ်စာအတိုင်း တိုက်ရိုက် လှူဒါန်းနိုင်ပါသည်။
ဘဒ္ဒန္တပုညသေဋ္ဌ
(အုပ်ချုပ်ရေးမှူးဆရာတော်)
သီတဂူစက္ခုဒါနဆေးရုံတော်)
အောင်သစ္စာရပ်ကွက်၊ ကလေးမြို့၊ စစ်ကိုင်းတိုင်းဒေသကြီး
ဖုန်း-၀၇၃-၂၁၁၃၀။ ၀၉-၆၄၇၂၀၅၄
ဘ၀မျက်လုံးမှ ဉာဏ်မျက်လုံးအထိ ကိုယ်စီ ရရှိနိုင်ကြပါစေ။
"သီတဂူစန်းလပမာ ချမ်းမြသာယာ ရှိကြပါစေ"
သီတဂူသာသနာပြုအဖွဲ့
www.thesitagu.org
သီတဂူသုမေဓာဆေးရုံ
ပန်းတနော်မြို့ အစုကြီးကျေးရွာတွင် သီတဂူသုမေဓာဆေးရုံ ဆောက်လုပ်နေပါသဖြင့် မည်သူမဆို သွားရောက်လှူဒါန်းနိုင်ပါကြောင်း သတင်းကောင်းပါးလိုက်ပါတယ်။
http://www.facebook.com/media/set/?set=a.3865388872685.172902.1217410519&type=1
"သီတဂူစန်းလပမာ ချမ်းမြသာယာ ရှိကြပါစေ"
သီတဂူသာသနာပြုအဖွဲ့
www.thesitagu.org
သီတဂူအာရောဂျဒါန ဆေးရုံ (ရပ်စောက်)
သီတဂူအာရောဂျဒါန ဆေးရုံကို ရှမ်းပြည်နယ်တောင်ပိုင်း၊ ရပ်စောက်မြို့တွင် ၃၁.၃.၂၀၁၃ နေ့က ဖွင့်လှစ်ခဲ့သည်။ ထိုဖွင့်ပွဲအခမ်းအနားသို့ သီတဂူဆရာတော်ကြီးနှင့်အလှူရှင်များ မျက်စိအထူးကုဆရာဝန်ကြီးများ၊ သီတဂူအာယုဒါနဆေးရုံ ဆရာဝန်၊ သူနာပြုများ၊ မြို့မိမြို့ဖများ တက်ရောက်ကြသည်။
မျက်စိကုသမှုများ
ထိုဆေးရုံကြီးမှာပဲ မျက်စိဆရာဝန်ကြီး ဒေါက်တာသိန်းမြင့်၊ မျက်စိအထူးကုဆရာဝန်ကြီး ဒေါက်တာ မြအောင်၊ ဒေါက်တာမြသီတာအုန်းနှင့် သီတဂူအာယုဒါနဆေးရုံမှ ဒေါက်တာမိမိခင် ဦးဆောင်သော ဆေးရုံဝန်ထမ်း(၁၀)ဦးအဖွဲ့သည် လူနာပေါင်း ၇၄၁ယောက်ကို စမ်းသပ်စစ်ဆေးကာ မျက်စိဝေဒနာရှင်ပေါင်း (၁၃၂)ယောက် မျက်စိအလင်းဒါန လုပ်အားပြုခဲ့ကြပါသည်။
"သီတဂူစန်းလပမာ ချမ်းမြသာယာ ရှိကြပါစေ"
သီတဂူသာသနာပြုအဖွဲ့
www.thesitagu.org
သီတဂူအာယုပါလ ကုသိုလ်ဖြစ်ဆေးခန်း (မြင်းခြံ)
မြင်းခြံမြို့ အာယုပါလ ကုသိုလ်ဖြစ်ဆေးခန်း ကို သီတဂူဆရာတော်ကြီးနှင့် တပည့်ဒကာ ဒကာမများက သိန်းပေါင်း ၃၅၀၀ (သုံးထောင် ငါးရာ) ကျော် အကုန်ကျခံ၍ ၁၃၇၄ ခု (၁-၉-၂၀၁၂) ဝါခေါင်လပြည့် မေတ္တာအခါတော်နေ့တွင် ဖွင့်လှစ် လှူဒါန်းခဲ့သည်။
(က) ဆေးရုံအဆောက်အဦး- ကျပ်သိန်းပေါင်း (၂၀၀၀) နှစ်ထောင်ကျော်
(ခ) ဆေးပစ္စည်းများ ကျပ်သိန်းပေါင်း (၁၅၀၀) တစ်ထောင့်ငါးရာကျော်
(ဂ) ဆေးရုံအဆောက်အဦး အလှူရှင်- ဦးစွန်တိတ်+ ဒေါ်လွမ် (အာရှတော်ဝင်နှင့် တော်ဝင်ဆေးခန်းပိုင်ရှင်) မိသားစု၊ ရန်ကုန်မြို့
ယခုဖွင့်လှစ်ပြီးသော သီတဂူ အာယုပါလကုသိုလ်ဖြစ်ဆေးခန်း (မြင်းခြံ)သည် သီတဂူသာသနာပြုအဖွဲ့၏ ၁၈ ခုမြောက် ဆေးရုံတော် အလှူဖြစ်သည်။ ထိုဆေးခန်း ဖွင့်အပြီးမှာပဲ နိုင်ငံခြား မျက်စိပါရဂူများနှင့် မြန်မာ မျက်စိပါရဂူများ၊ သီတဂူဆေးရုံဆရာ ဆရာမများက မျက်စိဝေဒနာရှင်ပေါင်း ၃၀၀ ကျော်ကို ခွဲစိပ်ကုသပေးခဲ့သည်။
"သီတဂူစန်းလပမာ ချမ်းမြသာယာ ရှိကြပါစေ"
သီတဂူသာသနာပြုအဖွဲ့
www.thesitagu.org
Chin State Hospital
သီတဂူစက္ခုဒါနဆေးရုံ (မင်းတပ်မြို့) မျက်စိအလှူတော်
သီတဂူစက္ခုဒါနဆေးရုံ (မင်းတပ်)ကို ချင်းပြည်နယ်၊ မင်းတပ်မြို့တွင် ၂၇-၁၂-၂၀၁၁ နေ့က သီတဂူဆရာတော်ကြီးနှင့် သီတဂူတပည့် ဒကာ ဒကာမများက ဖွင့်လှစ်ပေးခဲ့သည်။ ထိုဆေးရုံတွင် နှစ်စဉ်နှစ်တိုင်း ထိုဒေသရှိ ရပ်ဝေး ရပ်နီးမှ မျက်စိအလင်းလိုသူများနှင့် မျက်စိ ဝေဒနာရှင်များကို မြန်မာနိုင်ငံ (အထက်၊အောက်) ရှိ မျက်စိပါရဂူဆရာ၀န်ကြီးများနှင့် ပြည်ပမှ မျက်စိပါရဂူဆရာ၀န်ကြီးများက လာရောက် မျက်စိအလင်းများ ပေးသည်၊ မျက်စိဝေဒနာများ ကုသပေးသည်။
ယခုနှစ်အစီအစဉ်
သီတဂူမျက်စိအထူးကုအဖွဲ့သည် ၁၆-၃-၂၀၁၃မှ ၁၉-၃-၂၀၁၃ ရက်အထိ မျက်စိလူနာပေါင်း ၂၇၁၀ကို စမ်းသပ်စစ်ဆေးပြီး (၆၂၈)ယောက်ကိုခွဲစိတ်ပြီး မျက်စိအလင်းများ အလှူဒါနပြုခဲ့သည်။ ထိုအဖွဲ့ကို သီတဂူဆရာတော်ကြီး ဦးဆောင်ကာ မျက်စိဆရာ၀န်ကြီး ဒေါက်တာ သိန်းမြင့်၊ ပရော်ဖက်ဆာဦးမြအောင်၊ ပရော်ဖက်ဆာ ဒေါက်တာဒေါ်မြင့်ခိုင်နှင့် သီတဂူအာယုဒါနဆေးရုံ (စစ်ကိုင်း)မှ ဒေါက်တာမိမိခင်နှင့် ကျွမ်းကျင်သူနာပြု၀န်ထမ်း(၁၃)ယောက်တို့က မျက်စိစမ်းသပ်ခြင်း၊ ဆေးပေးခြင်း စတဲ့ ကြိုတင်စမ်းသပ်မှုများ ပြုလုပ်ပေးခြင်းဖြင့် လုပ်အားဒါနပြုကြသည်။
"သီတဂူစန်းလပမာ ချမ်းမြသာယာ ရှိကြပါစေ"
သီတဂူသာသနာပြုအဖွဲ့
www.thesitagu.org
သီတဂူလှဆန်းယဉ် စက္ခုဒါနဆေးရုံ
သီတဂူဆရာတော်ကြီးနှင့် သီတဂူသာသနာပြု အဖွဲ့ကြီးက ပြည်နယ်နှင့် တိုင်းဒေသကြီးများရှိ မြန်မာနိုင်ငံ အနှံ့အပြား၊ဝေးလှံခေါင်သော နေရာပါ မကျန် သီတဂူစက္ခုဒါနဆေးရုံများ၊ သီတဂူအာရောဂျဒါနဆေးရုံများ၊ သီတဂူအထွေထွေရောဂါကု ဆေးရုံကြီးများကို တည်ဆောက် လှူဒါန်းလျှက်ရှိရာ ဤ သီတဂူလှဆန်းယဉ် စက္ခုဒါဆေးရုံသည် သီတဂူဆေးရုံများစွာထဲက (၂၁) ခုမြောက် ဆေးရုံဖြစ်သည်။
သီတဂူလှဆန်းယဉ် စက္ခုဒါဆေးရုံသည် ဧရာ၀တီတိုင်းဒေသကြီး မော်လမြိုင်ကျွန်းမြို့နယ် အမှတ်(၉)ရပ်ကွက် ပစ္ဆိမာရုံစာသင်တိုက်တွင် တည်ရှိသည်။
ထိုဆေးရုံကြီးကို ၇-၄-၂၀၁၃ နေ့က သီတဂူဆရာတော်ကြီးနှင့် ဒေသခံ ပစ္ဆိမာရုံဆရာတော်တို့ ဦးဆောင်ပြီးဖွင့်လှစ်ရာ ပင့်သံဃာတော်များ၊ တိုင်းဒေသကြီးရှိ တာ၀န်ရှိသူများ၊ အလှူရှင်များ၊ ဒေသခံပြည်သူများ၊ ဖိတ်ကြားထားသူ ဧည့်သည်တော်များ စည်ကားသိုက်မြိုက်စွာ တက်ရောက်ကြသည်။
အလှူရှင်များ
ထိုဆေးရုံကြီးကို သီတဂူဆရာတော်ကြီး တစ်ဦးတည်းလှုဒါန်းသော ဆေးရုံးသုံးဆေးပစ္စည်းများ၊ ခွဲစိပ်ခန်းသုံး စက်ပစ္စည်းကိရိယာများ၊ လူနာအသုံးပြုရန် ပစ္စည်းများ၊ မီးစက်များ စုစုပေါင်း ကျပ်သိန်း နှစ်ထောင် (၂၀၀၀ ကျပ်)နှင့် ဒေသခံ ပစ္ဆိမာရုံ ဆရာတော်၊ သီတဂူဦးမြင့်စိန်+ဒေါ်လှအေး (လှဆန်းယဉ်မိသားစု) နှင့် အနယ်နယ်အရပ်ရပ်မှ အလှူရှင်များ စုပေါင်း လှူဒါန်းငွေ ကျပ်သိန်း နှစ်ထောင့်ငါးရာ (၂၅၀၀ကျပ်) နှစ်ရပ်ပေါင်း ကျပ်သိန်းပေါင်း လေးထောင့်ငါးရာ (၄၅၀၀) ဖြင့် အကုန်အကျခံ လှူဒါန်းထားသည်။
သီတဂူဦးမြင့်စိန်+ဒေါ်လှအေး (လှဆန်းယဉ်မိသားစု)က သီတဂူလှဆန်းယဉ်စက္ခုဒါနဆေးရုံ အတွက် ကျပ်သိန်း(၁၀၀) ငွေပဒေသာပင် စိုက်ထူခဲ့သည်၊ ထို့ပြင် ဆေးရုံအတွက် အသုံးပြုရန် Super Custom ဂျပန် ကားတစ်စီးကိုလည်း လှူဒါန်းသည်။ ဒေသခံများနှင့် အေ၀းရောက် အလှူရှင်များကလဲ ဆေးရုံကြီး ရေရှည် ရပ်တည်နိုင်ရန် ငွေပဒေသာပင်များ စိုက်ထူလှူဒါန်းကြသည်။
မျက်စေိ၀ဒနာများ ကုသပေးခြင်း
ဆေးရုံကြီးမဖွင့်မီ ကြိုတင်ပြီး (၃-၄-၂၀၁၃)နေ့မှ စတင်ပြီး မျက်စိအထူးကု ဆရာ၀န်ကြီး ဒေါက်တာဦးမြအောင်၊ အင်္ဂလန်နိုင်ငံမှ ဒေါက်တာသိန်းမြင့်ခေါင်းဆောင်သော မျက်စိအထူးကု ဆရာ၀န်များက မျက်စေိ၀ဒနာရှင်ပေါင်း (၁၀၉၇)ယောက်တို့အား စမ်းသပ် စစ်ဆေးပေးသည်။ ထိုအထဲမှ(၂၉ရ)ယောက်ကိုတော့ ခွဲစိပ်ကုသပေးသဖြင့် လောကအလင်းများ ပြန်လည်ရရှိကြသည်။
သတင်း-ပန်းစပယ် (လှဆန်းယဉ်) သတင်းကို ကိုးကားသည်။
ဓာတ်ပုံ-သီတဂူထိန်လင်းဦး ထံမှ ရယူသည်။
"သီတဂူစန်းလပမာ ချမ်းမြသာယာ ရှိကြပါစေ"
သီတဂူသာသနာပြုအဖွဲ့
www.thesitagu.org
List of Sitagu Hospitals
သီတဂူဆေးရုံတော်များ (ဖွင့်လှစ်ပြီး)
၁။ သီတဂူအာယုဒါနဆေးရုံ
၁၉၈၉ ခုနှစ် စစ်ကိုင်းတောင်။ စစ်ကိုင်းမြို့၊ စစ်ကိုင်းဒေသ၊ ဖွင့်လှစ်သည်။
၂။ သီတဂူမြမေတ္တာ စက္ခုဒါန ဆေးရုံ
၂၀၀၈ ခုနှစ်တွင် ပန်းတနော်၊ ဧရာ၀တီတိုင်းဒေသ၊ ဖွင့်လှစ်သည်။
၃။ သီတဂူစက္ခုဒါနဆေးရုံ
၂၀၀၈ နှစ်တွင် သီပေါမြို့၊ ရှမ်းပြည်နယ်၊ ဖွင့်လှစ်သည်။
၄။ သီတဂူစက္ခုဒါနဆေးရုံ
၂၀၀၉ ခုနှစ်တွင် ကလေးမြို့၊ စစ်ကိုင်းတိုင်း၊ ဖွင့်လှစ်သည်။
၅။ သီတဂူအာရောဂျဒါနဆေးရုံ
၂၀၁၁ နှစ်တွင် စဉ့်ကူးမြို့နယ်၊ ကျည်တောက်ပေါက်ကျေးရွာ၊ မန္တလေးတိုင်းဒေသ ဖွင့်လှစ်သည်။
၆။ သီတဂူဒီပင်္ကရာစက္ခုဒါနဆေးရုံ
၂၀၁၀ ခုနှစ်တွင် နတ်မောက်မြို့၊ မကွေးတိုင်းဒေသ၊ ဖွင့်လှစ်သည်။
၇။ သီတဂူဗြဟ္မာယုပြည်သူ့ဆေးရုံ
၂၀၁၀ ခုနှစ်တွင် ဆားတောင်မြို့၊ စစ်ကိုင်းတိုင်းဒေသကြီး၊ ဖွင့်လှစ်သည်။
၈ ။ သီတဂူအာရောဂျဒါနဆေးရုံ
၂၀၁၀ ခုနှစ်တွင် ရင်းငြိမ်၊ မွန်ပြည်နယ်၊ ဖွင့်လှစ်သည်။
၉။ သီတဂူတက်လမ်းစက္ခုဒါနဆေးရုံ
၂၇-၁၂-၂၀၁၀ ခုနှစ်၊ မင်းတပ်မြို့၊ ချင်းပြည်နယ်တွင် ဖွင့်လှစ်သည်။
၁၀။ သီတဂူအာရောဂျဒါနဆေးရုံ
၁၂-၂-၂၀၁၁ နေ့၊ ထား၀ယ်မြို့၊ တနင်္သာရီတိုင်းဒေသ ဖွင့်လှစ်သည်။
၁၁။ သီတဂူရွှေပြည်ဟိန်းစက္ခုဒါနဆေးရုံ
၂၇-၄ ၂၀၁၁ ခုနှစ် ရန်ကုန်တွင် ဖွင့်လှစ်သည်။
၁၂။ သီတဂူမေတ္တာဆေးရုံ
အင်းလေးဒေသ၊ ဟဲယားရွာမ၊ ရှမ်းပြည်နယ်။
၁၃။ အမှတ်စဉ် (၁၃) သီတဂူအာရောဂျဒါန (အထွေထွေဆေးရုံ) ဆေးရုံတော် (မြိုင်ကြီးငူ)
၂၀၁၁၊ နို၀င်ဘာ (၁၄) ရက်နေ့တွင် ကရင်ပြည်နယ် မြိုင်ကြီးငူဒေသတွင် ဖွင့်လှစ်ခဲ့သည်။
၁၄။ အမှတ်စဉ် (၁၄) သီတဂူအာယုပါလဆေးခန်း (မြင်းခြံ)
၁၃၇၄ ခု (၁-၉-၂၀၁၂) မန္တလေးတိုင်း၊ မြင်းခြံမြို့တွင် ဖွင့်လှစ် လှူဒါန်းခဲ့သည်။
၁၅။ အမှတ်စဉ် (၁၅) သီတဂူစက္ခုဒါနဆေးရုံ (မြစ်ကြီးနား)
၀၂-၁၁-၂၀၁၁-ရက်နေ့ ဖွင့်လှစ်သည်ည်။(၀၅-၁၁-၁၁)-ရက်နေ့တွင် ကချင်ပြည်နယ်, ပူတာအို ဆေးရုံတွင် ဆေးရုံပစ္စည်းများ လှူဒါန်းသည်။
၁၆။ အမှတ်စဉ် (၁၆) သီတဂူတက်လမ်းစက္ခူ့ဒါနဆေးရုံ (လွိုင်ကော်)
၂၀-၁၂-၂၀၁၁နေ့၊ ကယားပြည်နယ် လွိုင်ကော်မြို့ ဖွင့်လှစ်သည်။
၁၇။ သီတဂူစက္ခုဒါနဆေးရုံ (မင်းတပ်)
၂၇-၁၂-၂၀၁၁ နေ့က ချင်းပြည်နယ်၊ မင်းတပ်မြို့တွင် ဖွင့်လှစ်ခဲ့သည်။
၁၈။ အမှတ်စဉ် (၁၈) သီတဂူစက္ခုဒါနဆေးရုံ
၁၄-၁၁-၂၀၁၂-နေ ့၊ ရှမ်းပြည်မြောက်ပိုင်း၊ မူဆယ်ခရိုင်၊ နမ့်ခမ်းမြို့တွင် ဖွင့်လှစ်သည်။
၁၉။ အမှတ်စဉ် (၁၉) သီတဂူအာရောဂျဒါန ဆေးရုံ (ရပ်စောက်)
၃၁.၃.၂၀၁၃ ရက်နေ့က ရှမ်းပြည်နယ်တောင်ပိုုင်း၊ ရပ်စောက်မြို့တွင် ဖွင့်လှစ်သည်။
၂၀၊ အမှတ်စဉ် (၂၀) သီတဂူလှဆန်းယဉ်စက္ခုဒါနဆေးရုံ
၇-၄-၂၀၁၃ ရက်နေ့ ဧရာ၀တီတိုင်း၊ မော်လမြိုင်ကျွန်းမြို့တွင် ဖွင့်လှစ်သည်။
၂၁။ အမှတ်စဉ် (၂၁) သီတဂူစက္ခုဒါန ဆေးရုံ (လဟယ်)
၁၉-၄-၂၀၁၃ ရက်၊ ခန္တီးခရိုင်၊ လဟယ် ဒေသ၊ စစ်ကိုင်းတိုင်းဒေသ တွင် ဖွင့်လှစ်သည်။
၂၂။ အမှတ်စဉ် (၂၂) သီတဂူသုမေဓာဆေးရုံ
၂၃-၄-၂၀၁၃ ရက်၊ ပန်းတနော်မြို့ အစုကြီးကျေးရွာတွင် သီတဂူသုမေဓာဆေးရုံ ဖွင့်လှစ်သည်။
၂၃၊ အမှတ်စဉ် (၂၃) သီတဂူ အာရောဂျဒါနဆေးရုံ
၂၈- ၅- ၂၀၁၃ ရက်နေ့ မွန်ပြည်နယ် ကျိုက်ထိုမြို့၊ သီတဂူအာရောဂျဒါနဆေးရုံ၊ ဖွင့်လှစ်သည်။
သဲကုန်း သီတဂူစက္ခုဒါနဆေးရုံကိုတော့ ပြီးခဲ့တဲ့ ၂၀၁၂ ဒီဇင်ဘာလက ပန္နပ်ချမင်္ဂလာကျင်းပခဲ့။
Appearing First Sitagu Hospital
သီတဂူဆေးရုံတော်များ စတင်ပေါ်ပေါက်လာခြင်း
စတင်တည်ဆောက်ဖို့ အကြံဖြစ်ခြင်း
ဟိုလွန်ခဲ့တဲ့တချိန်တုန်းက စစ်ကိုင်းတောင်ရိုး၌ လျှပ်စစ်မီးအလင်းရောင် ကောင်းစွာမရသေး၊ သွားလမ်း လာလမ်း လည်း ကောင်းစွာမရှိသေး၊ တယ်လီဖုန်းအဆက်အသွယ်လည်း မရှိသေး၊ ဆေးရုံလည်း မရှိသေး။ ထိုကဲ့သို့သော အခါက သီတဂူဆရာတော်လောင်းလျာ ဦးပဉ္စင်းလေးသည် ၁၀-ဝါမျှသာ ရှိသေးသည်။ အနီးစခန်းဆရာတော်ထံ၌ အထက်တန်းပိဋကတ်စာပေနှင့် ဘာသန္တရစာပေများကို လေ့လာဆည်းပူးနေချိန် ဖြစ်ပေသည်။
မိုးတစိမ့် စိမ့်ရွာနေသည့် တစ်ခုသော နံနက်ခင်းဝယ် သီလရှင် ဆရာလေးတစ်ပါးသည် နံနက်ဆွမ်း ချက်ရန်အတွက် ထင်းပုံကို လက်နှင့် နှိုက်လိုက်ရာ အမှတ်မထင် မြွေဟောက်က ကိုက်လေ၏။ ဆရာလေးသည် အဆိပ်တက်ပြီး မေ့မျောလဲကျသွားလေတော့၏။ ချောင်ပိုင်သီလရှင် နာယကဆရာကြီးများ ပျာယာခတ်ပြီး ခြေ မကိုင်မိ လက်မကိုင်မိ ဖြစ်ကုန်တော့၏။ ထို့ကြောင့် သီတဂူဆရာတော် အလောင်းအလျာ ဦးပဉ္စင်းလေးကို အကူအညီတောင်းပါတော့သည်။
ဦးပဉ္စင်းလေးကလည်း ချက်ချင်း လိုက်သွားပြီး မြွေကိုက်သည့်ဒဏ်ရာ၏အထက်၌ ခါးပန်းကြိုးနှင့် ချည်လိုက်၏။ ဒဏ်ရာကို ဓားနှင့်ခွဲပြီး သွေးကို ညှစ်ထုတ်လိုက်၏။ သံပရာသီးနှင့်ဆားကို ရော၍ ဒဏ်ရာကို သိပ်ပေးပြီး ဆရာလေးကိုလည်း ယင်းသံပရာသီးနှင့်ဆားကိုပင် ဖျော်၍ တိုက်လေ၏။
ထို့နောက် လူနာကို စောင်နှင့်ထုပ်ကာ မြင်းလှည်းဂိတ်သို့ ထမ်းပို့လိုက်ကြ၏။ မနက်အစောကြီး ဖြစ်သောကြောင့် မြင်းလှည်းသမားကိုလည်း အိမ်ထိ သွားခေါ်ရသေး၏။ ထိုမှတဖန် မြင်းလှည်းဖြင့် တောင်ရိုးမှ မိုးမလင်းမီ စစ်ကိုင်းပြည်သူ့ဆေးရုံသို့ သွားကြရ၏။ မိုးလင်းသောအခါမှသာ ဆရာဝန်နှင့်သူနာပြုများ၏ ဆေးကုသမှုကို ခံယူရလေသည်။ ကံကောင်းထောက်မစွာ ဆရာလေး အသက် ရှင်ခဲ့လေသည်။ အကယ်၍ ဒဏ်ရာသာ ပြင်းထန်လျှင် အသက်ရှင်သန်ဖို့မလွယ်ကူတော့။
ထိုအခက်ခဲတို့တွေ့ရခြင်းမှာ တောင်ရိုး၌ ဆေးရုံမရှိခြင်း ကြောင့်ဖြစ်ပေသည်။ ဆေးရုံရှိလျှင် အလွယ်တကူ ဆေးကုသနိုင်ပါသည်။ ``တောင်ရိုးမှာ ဆေးရုံရှိသင့်တယ်´´ဟု စိတ်ထဲ၌ တွေးမိလေသည်။ ဤကား ဆေးရုံဆောက်လုပ် ရန်စိတ်ကူး၏ ပထမဆုံး အကြံဖြစ်၏။
ဒုတိယမ္ပိ ကြံစည်မိ
သီတဂူဆရာတော်သည် သီတဂူကျောင်းတိုက်ကို ၁၃၃၈-ခုနှစ်တွင် တည်ဆောက်ခဲ့သည်။ နှစ်စဉ် တော် သလင်းလတွင် ကျင်းပသည့် မန္တလေးမြို့ မလွန်ဆန်လှူရေစက်ချပွဲသို့ မြန်မာပြည်တဝှမ်း မလွန် ဆန်လှူ အသင်းထောက်များမှ တချို့အသင်းဝင်လူများသည် သီတဂူကျောင်းတိုက်သို့ တည်းခိုကြ၏။
ဧရာဝတီတိုင်း မလွန်ဆန် လှူအသင်းထောက်တစ်ခုမှ လူကြီးတစ်ယောက်သည် တစ်ညတွင် ဝမ်းလျှော လေ၏။ ဝမ်းအကြိမ်ပေါင်း ၂၇- ကြိမ်သွားလေသည်။ ထို့ကြောင့် သီတဂူဆရာတော်သည် ထိုလူနာကို ရေနွေးပူပူ ပျားရည်ချိုချို နှမ်းဆီမွှေးမွှေး ပတ္တမြားသွေးဆေးတို့ဖြင့်် ရော၍တိုက်လေသည်။
ထို့နောင် လူနာကို စိတ်မချသဖြင့် ညဉ့်နက်သန်းခေါင် အချိန်ကြီး၌ စစ်ကိုင်းဆေးရုံသို့ မြင်းလှည်း ဖြင့် ပို့လိုက်လေသည်။ လူနာ အသက်ချမ်းသာရာ ရဖို့အတွက် အပြေးအလွှား စိတ်မောကိုယ်မောဖြင့် ခက်ရာ ခက်ဆစ် သွားရခြင်းမှာ တောင်ရိုးမှာ ဆေးရုံမရှိသောကြောင့် ဖြစ်ပါသည်။ ထို့ကြောင့် ``တောင်ရိုးမှာ ဆေးရုံရှိလျှင် ကောင်းမှာပဲ´´ဒုတိယမ္ပိ အကြံဖြစ်မိပြန်သည်။
တတိယမ္ပိ ကြံစည်မိ
ရှမ်းပြည်တောင်ပိုင်း နမ်းခမ်းမြို့သို့ ရောက်ခဲ့စဉ်က အမေရိကန်နိုင်ငံသား ခရစ်ယာန်သာသနာပြု ဒေါက်တာဆီးဂရေး၏ ဆေးရုံကြီးကို တွေ့ခဲ့ရသဖြင့် တအံ့တ0x100သ ငေးမောကြည့်ရှုပြီး ``ငါတို့ရဟန်းတော်များ လည်း အခုလို ဆေးရုံ တည်ဆောက်နိုင်ရင် ကောင်းမှာပဲ´´ဟု အတွေးဝင်ခဲ့သည်။
သီတဂူအရှင် အူကျရောဂါဖြစ်တုန်းက ရန်ကုန်မြို့ရှိ ရာမကရစ်ရှနားအသင်းပိုင် ဂန္ဓီဆေးရုံသို့ တက်ရောက်၍ ကုခဲ့ရသေးသည်။ ဗုဒ္ဓဘာသာရဟန်းတော် တစ်ပါးအနေဖြင့် ဘာသာခြားများ၏ ဆေးရုံ၌ တက်ရောက်၍ ကုရခြင်းမှာ ``အမျိုး ဘာသာ သာသနာစိတ်´´ဖြင့် ကြည့်လျှင် အောက်တန်းကျ လှပေသည်။ ကိုယ့်နိုင်ငံ ကိုယ့်တိုင်းပြည်မှာနေ၍ ဘာသာခြားပိုင်ဆေးရုံမှာတက်ရသည်မှာ တွေးကြည့်လေ ရှက်စရာကောင်း လေပင်တည်း။
ထို့ကြောင့် ``ငါတို့နိုင်ငံမှာ ဗုဒ္ဓဘာသာရဟန်းတော်များ ဦးစီးတဲ့ ဆေးရုံရှိသင့်တယ်၊ ငါ စွမ်းနိုင်တဲ့ တနေ့ကျရင် ဆေးရုံဆောက်မည်´´ဟူသော ခိုင်မာသော အဓိဋ္ဌာန် ချလိုက်မိပါသည်။
ဘာသာခြားများ ပိုင်ဆိုင်သည့် ထိုဆီးဂရေးဆေးရုံနှင့် ဂန္ဓီဆေးရုံတို့က သီတဂူဆရာတော်ကို သီတဂူ အာယုဒါနဆေးရုံဆောက်လုပ်ဖို့အတွက် မဖြစ်ဖြစ်အောင် တိုက်တွန်းခဲ့ကြသည်။ ယင်းသို့ တိုက်တွန်း ခဲ့သော ကြောင့် သီတဂူဆရာတော်သည် အခက်အခဲပေါင်းများစွာကို ကျော်လွှားပြီး သီတဂူအာယုဒါနဆေးရုံကို ၁၃၅၀-ခုနှစ်တွင် ပန္နက်ရိုက်၍ ၁၃၅၂-ခုနှစ်တွင် တည်ဆောက် ခဲ့ပါသည်။
ယနေ့သီတဂူဆေးရုံ
ယနေ့အချိန်၌ ရဟန်း, သာမဏေ, သူတော်, သီလရှင်, ဆင်းရဲသားတို့ အားကိုးရာဖြစ်သည့် သီတဂူ အထူးကုဆေးရုံကြီးသည် မြန်မာပြည်တွင် ထင်ပေါ်ကျော်ကြားလျက် ရှိ၏။ ရန်ကုန်, မန္တလေးမြို့မှ အထူးကု ဆရာဝန်ကြီးများက နေ့စဉ်လုပ်အားဒါနပြုလုပ်၍ ကုသပေးလျက် ရှိပေသည်။
ပြည်ပနိုင်ငံအသီးသီးမှ အထူးကုဆရာဝန်ကြီးများကလည်း ဤဆေးရုံကြီးသို့ လာရောက်၍ လုပ်အား ဒါနပြုနေကြပါသည်။ ဆေးရုံအုပ်, ဆရာဝန်, သူနာပြု ဝန်ထမ်းပေါင်း ၇၀-ကျော်တို့က နေ့စဉ် အတွင်းလူနာ ၈၀-ခန့်၊ အပြင်လူနာ ၂၀ဝ-ခန့်တို့ကို ကုသပေးလျက်ရှိပါသည်။ သီတဂူ အာယုဒါနဆေးရုံတော်မှ မျက်စိအလင်း ရရှိသူပေါင်း ၁၅၀ဝ-ခန့် ရှိသွားပေပြီ။
ယခုအချိန်၌ ဆေးရုံ၏ အထွေထွေကုန်ကျစရိတ်မှာ တစ်လလျှင် ပျမ်းမျှ ကျပ်သိန်း ၇၀-ကျော် ဝန်းကျင် ရှိပါသည်။ မြန်မာပြည်တွင်းမှ အလှူရှင်များ၊ ပြည်ပနိုင်ငံအသီးသီးမှ အလှူရှင်များက စေတနာထက်သန်စွာ လှူ ဒါန်းလျက်ရှိပေသည်။
Venerable Ashin Nyanissara (Sitagu/Thegon Sayadaw)
Search
မာတိကာ
Guests Online
We have 22 guests and no members online
Upcoming Events
သီတဂူကမ္ဘာ့ဗုဒ္ဓတက္ကသိုလ် (စစ်ကိုင်း)
သီတဂူကမ္ဘာ့ဗုဒ္ဓတက္ကသိုလ် (ရန်ကုန်)
အမှတ်-၁၀၊ ပါရမီလမ်းနှင့် ပင်လုံလမ်းဒေါင့့်၊ ဘေလီတံတားထိပ်၊ ဒဂုံမြို့သစ်မြောက်ပိုင်း၊
ဖုန်း-၀၁-၅၈၁၇၇၇၊ ၀၁-၅၈၁၉၉၉
သီတဂူကမ္ဘာ့ဗုဒ္ဓတက္ကသိုလ် (မန္တလေး)
မန္တလေးတောင်၊ မန္တလေးမြို့
ဖုန်း- ၀၂ ရ၅၂ ရ၈