သီတဂူအဓိပတိ (၈၁)နှစ်ပြည့်မွေးနေ့ပွဲ အစီအစဉ်

အဘိဓဇ မဟာရဋ္ဌဂုရု၊ ရွှေကျင်နိကာယဥပဥက္ကဋ္ဌ
သီတဂူအဓိပတိဆရာတော်ဘုရား၏ သက်တော် ၈၁-နှစ်ပြည့်
မွေးနေ့အလှူတော်မင်္ဂလာအခမ်းအနား

၁။ ၁၃၇၉-ခုနှစ် တပေါင်းလဆန်း (၁၃) ရက် (၂၇/ဝ၂/၂၀၁၈) အင်္ဂါနေ့၊ နံနက် (၅) နာရီအချိန်တွင် စစ်ကိုင်းမြို့ ထူပါရုံစေတီတော်မြတ်ကြီးရင်ပြင်တော်၌ စစ်ကိုင်းမြို့ မြို့မ ပင့်သံဃာ အပါး (၁၀ဝ၀) တို့အား ဆွမ်းကြီးလောင်းလှူခြင်း။

၂။ ၁၃၇၉-ခုနှစ် တပေါင်းလဆန်း (၁၄) ရက် (၂၈/ဝ၂/၂၀၁၈) ဗုဒ္ဓဟူးနေ့ နံနက် (၅) နာရီအချိန်တွင် သီတဂူကမ္ဘာ့ဗုဒ္ဓတက္ကသိုလ်၌ သီလရှင်ဆရာကြီး/ဆရာလေး အပါး (၁၀ဝ၀)တို့အား ဆွမ်းကြီးလောင်းလှူခြင်း။

၃။ ၁၃၇၉-ခုနှစ် တပေါင်းလပြည့်နေ့ (ဝ၁/ဝ၃/၂၀၁၈) ကြာသပတေးနေ့ နံနက် (၅) နာရီအချိန် သီတဂူကမ္ဘာ့ဗုဒ္ဓတက္ကသိုလ်၌ စစ်ကိုင်းတောင်ရိုး ပင့်သံဃာ အပါး (၁၀ဝ၀) တို့အား ဆွမ်းကြီးလောင်းလှူခြင်း။

၄။ ၁၃၇၉-ခုနှစ် တပေါင်းလပြည့်နေ့ နေ့လည် (၂) နာရီအချိန် သီတဂူအပြည်ပြည်ဆိုင်ရာဝိပသနာအကယ်ဒမီ၊ သီတဂူသံဝေဇနီယဗိမာန်တော်၌ သီတဂူတပည့်သံဃာတော်များနှင့် ဒကာ ဒကာမအပေါင်းတို့က သီတဂူအဓိပတိဆရာတော်အား ကန်တော့၍ သြဝါဒတရားနာယူခြင်း။

၅။ ၁၃၇၉-ခုနှစ် တပေါင်းလပြည့်ကျော် (၁) ရက် (ဝ၂/ဝ၃/၂၀၁၈) နံနက် (၅) နာရီအချိန် သီတဂူအပြည်ပြည်ဆိုင်ရာဝိပသနာအကယ်ဒမီ၌ စစ်ကိုင်း/မန္တလေး/ရန်ကုန်/တောင်ငူရှိ သီတဂူကမ္ဘာ့ဗုဒ္ဓတက္ကသိုလ်များ၌ ပညာသင်ယူနေကြသော စာချ စာသင် သံဃာတော် အပါး (၁၀ဝ၀) တို့အား ဆွမ်းကြီးလောင်းလှူခြင်း။

မွေးနေ့ပွဲ ကျင်းပ ပြီးသည့်နောက် …

၁၃၇၉-ခုနှစ် တပေါင်းလပြည့်ကျော် ၃ ရက်နေ့မှ စ၍ ၁၀ ရက်တိုင်တိုင် သီတဂူအပြည်ပြည်ဆိုင်ရာ ဝိပသနာအကယ်ဒမီ၌
သီတဂူအဓိပတိဆရာတော်ဘုရားကိုယ်တိုင် မဟာသတိပဋ္ဌာနသုတ္တံကို သင်ပြပို့ချမည်ဖြစ်ပါသည်။

သီတဂူကမ္ဘာ့ဗုဒ္ဓတက္ကသိုလ်များ၏ B.A, M.A, Ph.D ကျောင်းသားများနှင့် စာချကထိကဆရာတော်များအားလုံး (ခရီးမထွက်ကြဘဲ) သင်တန်းတက်ရောက်ကြပါရန် အသိပေးအကြောင်းကြားပါသည်။

သီတဂူစန်းလပမာ ချမ်းမြသာယာ ရှိကြပါစေ
သီတဂူသာသနာပြုအဖွဲ့
www.thesitagu.org