သီတဂူ ဘာသာပေါင်းစုံ ကမ္ဘာ့ငြိမ်းချမ်းရေး ကြိုတင်ညှိနိုင်း

သီတဂူ ၂၀၁၇ ဇူလှိုင် ၂၄

ဒီနေ့ (၂၄-၇-၂၀၁၇) မနက် ၉:ဝ၀ နာရီက ရန်ကုန်မြို့ ကန်တော်ကြီးပဲလေ့စ်မှာ သီတဂူ အစည်းဝေးဖြစ်မြောက်ရေးကော်မတီ အဖွဲ့နှင့် စားစရာ နေစရာ တာဝန်ယူကုသိုလ်ပြုပေးသော ကန်တော်ကြီးပဲလေ့စ်ဟိုတယ်မှ အဖွဲ့ဝင်လူကြီးများ မျက်နှာစုံညီ စည်းဝေးကြသည်။

၂၀၁၇ သြဂုတ်လ ၅/၆ ရက်များတွင် သီတဂူကမ္ဘာ့ဗုဒ္ဓတက္ကသိုလ် (ရန်ကုန်) မှာ ကျင်းပမည့် Interfaith Dialogue for Peace, harmony and security အတွက် အကြိုစည်းဝေးဖြစ်သည်။

သီတဂူအပြည်ပြည်ဆိုင်ရာသာသနာပြုအဖွဲ့၊ ဝိဝေကာနန္ဒဖောင်ဒေးရှင်း (အိန္ဒိယ), ဂျပန်ဖောင်ဒေးရှင်း (ဂျပန်) နှင့် နိုင်ငံခြားရေးဝန်ကြီးဌာန အောက် Myanmar ISIS အဖွဲ့တို့က ပူပေါင်းကျင်းပကြခြင်း ဖြစ်သည်။

ထိုပွဲသို့ နိုင်ငံပေါင်း ၄၀ကျော်မှ ဘာသာရေးခေါင်းဆောင်၊ ပညာရှင်များနှင့် အစိုးရအဖွဲ့များ၊ လေ့လာသူများ စုစုပေါင်း ၂၀ဝ ကျော် တက်ရောက်ပါဝင်ဆွေးနွေးကြမည်။

သီတဂူစန်းလပမာ ချမ်းမြသာယာ ရှိကြပါစေ
သီတဂူသာသနာပြုအဖွဲ့
www.thesitagu.org