စကော့တလန်မှ လန်ဒန်သို့

လန်ဒန် ၂၀၁၇ ဇွန် ၂၈

သီတဂူဆရာတော်ကြီးနှင့် တပည့်ကြီးများသည် အင်္ဂလန်နိုင်ငံသို့ ရောက်နေသည်မှာ ၁၀ ရက်မြောက်နေ့တောင် ရောက်ပြီ၊ စကော့တလန်မှာ နှစ်ညတာ သီတင်းသုံးပြီး စကော့တလန်နိုင်ငံရဲ့ ရှေးဟောင်း ယဉ်ကျေးမှု လူနေမှု၊ ယနေ့ ပြောင်းလဲလာသော ခေတ်ယဉ်ကျေးမှု၊ ရှေးဟောင်းယဉ်ကျေးမှုကို အင်္ဂလိပ်တွေလိုပဲ အထိန်းသိမ်းကောင်းစွာဖြင့် ယနေ့ကမ္ဘာကြီးကို ပြစားနေပုံ လေ့လာပြီး ၂၈-၆-၂၀၁၇ မနက် ၇:၃၀ စကော့တလန်မှ လန်ဒန်သို့ပြန်ခဲ့ကြသည်။

ဘာမင်ဂန်တစ်ထောက်နား

*********

လမ်းခရီးတစ်ဝက်ကျောမှာ အင်္ဂလန်နိုင်ငံရဲ့မြို့ကြီးတစ်မြို့ဖြစ်သော Birmingham ဘာမင်ဂန်မြို့ မြန်မာဗုဒ္ဓဘာသာကျောင်းသို့ဝင်သည်၊ ဆရာတော်ကြီးက ၁၀နှစ်ခန့်အရွယ် ကျောင်းသူလေး ၁၀ဝ ကျော်အား သြဝါဒပေးသည်၊ ကလေးမလေးတွေရဲ့ မေးတိုင်းသော မေးခွန်းတွေကို စိတ်ရှည်စွာ ဖြေကြားပေးသည်။

ဘာမင်ဂန်မြို့ရှိ မြန်မာဒကာ ဒကာမများနှင့် ဒေသခံ အင်္ဂလိပ်လူမျိုးများက ဆရာတော်ကြီးနှင့် သံဃာတော်များ လာရောက် ဂါရဝပြု ပူဇော်ကြသည်။

မှတ်ချက်။ ။ နိုင်ငံရဲ့ဥပဒေအရ ကလေးငယ်လေးများ အထူးသဖြင့် မိန်းကလေးငယ်လေးများကို ဓာတ်ပုံရိုက်ခွင့်မပြု၊ မိဘများကလည်း ကလေးငယ်တွေရဲ့ လုံခြုံရေးအရ ဓာတ်ပုံရိုက်ဖေ့ဘုတ်တင်မှာကို မလိုလားကြပါ၊ ထို့ကြောင့် ကလေးငယ်များပါသော ဓာတ်ပုံများ မရိုက်ခဲ့ပါ။

ည ၈:ဝ၀ နာရီမှာ လန်ဒန်မြို့ စလာစဉ် ၅ရက်တည်းခိုခဲ့သော ဟိုတယ်မှာ ရောက်ပါသည်။

သီတဂူစန်းလပမာ ချမ်းမြသာယာ ရှိကြပါစေ
သီတဂူသာသနာပြုအဖွဲ့
www.thesitagu.org