သီတဂူအဖွဲ့ သီရိလင်္ကာရောက်ပဉ္စမနေ့

ကိုလံဘို ၂၀၁၇ မေ ၁၁

သီတဂူဆရာတော်ကြီးနှင့်အဖွဲ့အား နေ့လည်ဆွမ်းကို မဟာဗောဓိ အဖွဲ့ (Mahabodhi Society) က အသင်းဌာနချုပ်မှာ ပင့်ကပ်ပါသည်။

ဒီအဖွဲ့အစည်းကြီးကို နာမည်ကျော် အနာဂါရိကဓမ္မပါလက အင်္ဂလိပ်ကိုလိုနီခေတ်ကထဲက တည်ထောင်သည်။

အနာဂါရိကဓမ္မပါလသည် အိန္ဒိယနိုင်ငံ မဟာဗောဓိစေတီတော်နှင့် ကျောင်းကို ဟိန္ဒူတို့လက်ထဲမှ ရအောင် ကြိုးစားခဲ့သူဖြစ်ပါသည်၊ သူ၏ကျေးဇူးနဲ့ မဟာဗောဓိကို အဆင်ပြေစွာ ဖူးခွင့်ရကြသည်။

အဂ္ဂသာဝကနှစ်ပါးဓာတ်တော်တွေကိုလည်း ဒီအဖွဲ့အစည်းကပဲ ထိန်းသိမ်းထားသည်။ ထိုဓာတ်တော်တို့သည် သုံးပုံရှိသည်၊ မြန်မာ အိန္ဒိယနှင့် သီရိလင်္ကာတို့ ခွဲယူခဲ့ကြသည်။ မြန်မာပြည်အတွက် ဦးနုကောင်းမှုဖြင့် ရရှိခဲ့သည်။

“သီတဂူစန်းလပမာ ချမ်းမြသာယာ ရှိကြပါစေ”
သီတဂူသာသနာပြုအဖွဲ့
www.thesitagu.org