စိန့်ပီတာစဗတ်မြို့ အပြည်ပြည်ဆိုင်ရာ ကွန်းဖရင့်သို့တက်ရောက်ခြင်း

သီတဂူဆရာတော်ဘုရားကြီးသည် ရုရှားနိုင်ငံ၊ စိန့်ပီတာစဘတ်မြို့တွင်ကျင်းပသော အပြည်ပြည်ဆိုင်ရာ ဘာသာရေးခေါင်းဆောင်များ အပြန်အလှန်ဆွေးနွေးပွဲ (ASEM Hight-...Level Conference on International on Intercultural and Inter-Religious Dialogue)သို့ (အထူး) ဂုဏ်ထူးဆောင် ဘာသာရေးခေါင်းဆောင်အဖြစ် တက်ရောက်ခဲ့ပါသည်။

သီတဂူဆရာတော်ကြီး ရောက်ရှိသော ၂၀၁၄-ဇူလိုင်လ-၂ရက်နေ့တွင် စိန့်ပီတာစဘတ်မြို့ ပူကာဘာလေဆိပ်တွင် ရုရှားနိုင်ငံဆိုင်ရာ မြန်မာသံအမတ်ကြီးမိသာစု၊ မြန်မာသံရုံးမိသားစုဝင်များနှင့် မြန်မာပညာတော်သင် ကျောင်းသားများက ကြိုဆိုကြပါသည်။

ဇူလိုင်-၃ရက်မနက် ဆရာတော်ကြီးတည်းခိုသည့် Grand Hotel Europe တွင် မြန်မာသံအမတ်ကြီးမိသားစု၊ မြန်မာသံရုံးမိသားစုနှင့် မြန်မာပညာတော်သင်ကျောင်းသားများက မြန်မာမုန့်ဟင်းခါးနှင့် တိုဖူးကြော်တို့ဖြင့် အရုဏ်ဆွမ်းဆက်ကပ်ကြပါသည်။

နေ့ဆွမ်း အား ကွန်းဖရင့်ကျင်းပရာ President Library အထူးစားသောက်ခန်းတွင် မြန်မာသံအမတ်ကြီးမိသားစု၊ မြန်မာသံရုံးမိသားစုနှင့် မြန်မာပညာတော်သင်ကျောင်းသားများက နေ့ဆွမ်း မြန်မာထမင်းနှင့် ဟင်းများ ဆက်ကပ်လှူဒါန်းကြပါသည်။

သီတဂူစန်းလပမာ ချမ်းမြသာယာ ရှိကြပါစေ
သီတဂူသာသနာပြုအဖွဲ့