သီတဂူဆရာတော် တရားပွဲ (ရုရှား မြန်မာသံရုံး)

ရုရှားနိုင်ငံ၊ မော်စကိုမြို့သို့ ရောက်ရှိနေသော သီတဂူဆရာတော်ကြီးသည် ၂၃-၆-၂၀၁၄ မနက်ပိုင်း ရုရှားရောက်မြန်မာကျောင်းသားများအား တရားဓမ္မများ ဟောကြားခြင်း၊ မြန်မာထေရဝါဒဗုဒ္ဓဘာသာ ကျောင်းတော်ကြီးအတွက် အမေရိကန်ဒေါ်လာ တစ်သိန်း လှူဒါန်းခြင်း အစီအစဉ်များကို ပြုလုပ်ခဲ့သည်။

 ညနေပိုင်း

ထိုနေ့ ညနေပိုင်းတွင် ရုရှားနိုင်ငံဆိုင်ရာ မြန်မာသံအမတ်ကြီး အိမ်တွင် ရုရှားနိ်ုင်ငံသားများအား တရားဓမ္မများ ဟောကြားခြင်း၊ ဓမ္မသာကစ္ဆာ- တရားဓမ္မများ အပြန်အလှန် ဆွေးနွေးခြင်းများ ပြုလုပ်သည်၊ ဆရာတော်ကြီး၏ ဟောပြောချက်၊ ရှင်းလင်းချက်များကို နားကြားခွင့်ရကြသော ရုရှားအမျိုးသား အမျိုးသမီးများ အလွန့်အလွန်ကို ကျေနပ် အားရကြသည်၊ ဆရာတော်ကြီး၏ လက်တွေ့ ဝိပဿနာ တရားအားထုတ်နည်းများကို စိတ်ဝင်တစား နာယူကြပြီး ၁၅ မိနစ် တရားထိုင်ကြသည်။ မြန်မာထေရဝါဒဗုဒ္ဓဘာသာကျောင်းတော်ကြီး ဖြစ်မြှောက်ဖို့အတွက် စိတ်အားထက်သန်နေကြသည်။

သီတဂူစန်းလပမာ ချမ်းမြသာယာ ရှိကြပါစေ
သီတဂူသာသနာပြုအဖွဲ့