သီတဂူဗုဒ္ဓတက္ကသိုလ်များ ပြန်လည်ဖွင့်မည်...

**********

၂၀၂၂−၂၀၂၃ ပညာသင်နှစ်အတွက် သီတဂူကမ္ဘာ့ဗုဒ္ဓတက္ကသိုလ်များ ပြန်လည် ဖွင့်လှစ် သင်ကြားမည် ဖြစ်ပါသည်။

၂၀၂၁−၂၀၂၂ ပညာသင်နှစ် (၁) နှစ်ပတ်လုံး ပိတ်ထားခဲ့သည့် သီတဂူကမ္ဘာ့ဗုဒ္ဓတက္ကသိုလ်များကို ယခု ၂၀၂၂−၂၀၂၃ ခု ပညာသင်နှစ်တွင် ပြန်လည် ဖွင့်လှစ်သင်ကြားမည် ဖြစ်ကြောင်း သီတဂူသင်ကြားစီမံ ဆရာတော်များ၏ အစည်းအဝေးက ဆုံးဖြတ်သည်။

တက္ကသိုလ်ဝင်ခွင့် စည်းကမ်းများမှာ ယခင်နှစ်များကဲ့သို့ ဖြစ်သော်လည်း တက္ကသိုလ်အတွင်း နေထိုင်ခွင့် အသက်ကို ယခင်က ၂၈ နှစ်အထိသာ သတ်မှတ်ခွင့်ပြုခဲ့သော်လည်း ယခုနှစ်တွင်မူ အသက် ၃၀ အထိ လက်ခံမည် ဖြစ်ကြောင်း အစည်းအဝေးက ဆုံးဖြတ်သည်။

ဝင်ခွင့်လျှောက်လွှာ တင်ခြင်း၊ ဝင်ခွင့် စာမေးပွဲ ဖြေဆိုခြင်း စသည် စည်းကမ်းမျာကိုမူ အောက်ပါအတိုင်း ဖော်ပြထားပါသည်။