သီတဂူ (ရန်ကုန်) ဘွဲ့နှင်းသဘင်ကြီး အောင်မြင်စွာ ပြီးဆုံး

**********

၂-၃-၂၀၂၂ သီတဂူကမ္ဘာ့ဗုဒ္ဓတက္ကသိုလ် (ရန်ကုန်) ၌ စတုတ္ထအကြိမ် ဘွဲ့နှင်းသဘင် အခမ်းအနားကြီးကို အောင်မြင်စွာ ကျင်းပနိုင်ခဲ့ပါပြီ။

ဘီအေ ဘွဲ့ရပုဂ္ဂိုလ် ၂၂၁ ဦးကို အခမ်းအနားချိန် ၁ နာရီအတွင်း ပြီးစီး အောင်မြင်ခဲ့ပါတယ်။

ခေတ်အခြေအနေအရ အကြပ်အတည်းကာလမှာ အခမ်းအနားကို ကျဉ်းနိုင်သမျှကျဉ်းအောင် တိတ်ဆိတ်ငြိမ်သက်စွာ ကျင်းပပေမဲ့ ဝေဝေဆာဆာ မြိုင်မြိုင်ဆိုင်ဆိုင် ရှိလှပါတယ်။ ကျေးဇူးတော် သီတဂူအဓိပတိ ဆရာတော်ကြီးကိုယ်တိုင် အစအဆုံး ဘွဲ့လက်မှတ်များကို ချီးမြင့်ပေးပါတယ်။

အပြည်ပြည်ဆိုင်ရာ ထေရဝါဒဗုဒ္ဓသာသနာပြုတက္ကသိုလ် ဒုတိယပါမောက္ခချုပ်၊ ဓမ္မဒူတဆေကိန္ဒတက္ကသိုလ် ပါမောက္ခချုပ် အဂ္ဂမဟာပဏ္ဍိတ ဒေါက်တာဘဒ္ဒန္တဆေကိန္ဒ လည်း တက်ရောက် ချီးမြှောက်ပါတယ်။

ကျေးဇူးတင်ခြင်း

**********

ဘွဲ့နှင်းသဘင်အခမ်းအနားမှာ ပါဝင်ကြသည့် သင်္ကန်းအလှူရှင်၊ နဝကမ္မအလှူရှင်၊ ဆွမ်းအလှူရှင်၊ တံဆိပ်တုံးအလှူရှင်များနှင့် ဝေယျာဝစ္စ ပါဝင်ကုသိုလ်ပြုကြသူအားလုံးတို့အား အထူးကျေးဇူးတင်ရှိပါသည်။

ဓာတ်ပုံ= သီတဂူတပည့်များ၏ ဖေ့ဘုတ်အကောင့်များမှ

ရွှင်လန်းချမ်းမြေ့ပါစေ။
သီတဂူစတား