မင်းကွန်းသီတဂူရေအလှူတော် ဖွင့်ပွဲမင်္ဂလာအခမ်းအနား

ကျေးဇူးတော်ရှင် သီတဂူဆရာတော်ကြီးသည် ၁-၈-၂၀၂၀ ရက်နေ့၊ နံနက်ခင်းအချိန်တွင် မင်းကွန်းသို့ကြွရောက်ပြီး သီတဂူရေအလှူတော်ဖွင့်ပွဲ မင်္ဂလာအခမ်းအနားတက်ရောက်ချီးမြှင့်ပေးပါသည်။

မင်းကွန်း တိပိဋကဆရာတော်ဘုရားကြီး၏ ဂုဏ်ကျေးဇူးများကို ဦးထိပ်ပန်ဆင်ကာ သီတဂူဆရာတော်ကြီးနှင့်ရွှေစင်တိပိဋကဆရာတော် အရှင်ဂန္ဓမာလာလင်္ကာရတို့ ဦးဆောင်၍ မင်းကွန်းဒေသတွင် ရေပေးဝေနိုင်ရန်အတွက် အောက်ပါအတိုင်း စီမံဆောင်ရွက်ခဲ့ကြသည်။

* ရေတင်စက်ရုံသစ်ကြီးတည်ဆောက်ခြင်းနှင့် ဂါလံ-၁သိန်းဆံ့ ရေကန်ကြီးအတွက် ဝေနေယျသုခ ရေချမ်းစဉ်အသင်းကြီးက လှူဒါန်းခြင်း၊ 

* သီတဂူသာသနာပြုအဖွဲ့ဝင် ဦးသန့်စင် (ဟန်စိန်သန့်ကုမ္ပဏီ) မှ ရေပေါ်ပန့်မြစ်ရေတင်စက်လှူဒါန်းခြင်း၊

* သီတဂူသာသနာပြုအဖွဲ့ အတွင်းရေးမှူး ဦးမောင်သောင်း (ရန်ကုန်ထရန်စဖေါ်မာ) မှ 315KVA ထရန်စဖေါ်မာ၊ ပါနယ်ဘုတ်၊ ဆက်စပ်ပစ္စည်းများ လှူဒါန်းခြင်း၊

* သီတဂူဆရာတော်ကြီး ဦးဆောင်သော သီတဂူသာသနာပြုအဖွဲ့က ရေပိုက်လိုင်းများ၊ CAT 350KVA မီးစက် လှူဒါန်းခြင်း၊ 50HP ၃လုံး၊ 60HP ၁လုံး၊ ရေတင်စက်မော်တာကြီးပေါင်း-၄ လုံးနှင့် ဆက်စပ် ပစ္စည်းများလှူဒါန်းခြင်း၊

* သီတဂူရေအလှူတော် (မင်းကွန်း) အတွက် ရေပဒေသာပင် ကျပ်ငွေ-သိန်းပေါင်းတစ်သောင်း မတည်လှူဒါန်းခြင်း။

ဆောင်ရွက်ကြသော ပေါင်းစုသည့် ကောင်းမှုကုသိုလ်မင်္ဂလာဖြစ်သည်။

စစ်ကိုင်းတောင်ရိုး သီတဂူရေအလှူတော်စီမံကိန်းကို ခရစ်နှစ် ၁၉၈၀ ခုနှစ်၊ မြန်မာသက္ကရာဇ် (၁၃၄၂ ခုနှစ် ကဆုန်လပြည့်နေ့) မှ စတင်၍ လှူဒါန်းခဲ့ပါသည်။ ၂၀၂၀ ခုနှစ် မြန်မာသက္ကရာဇ် (၁၃၈၂ ခုနှစ် ကဆုန်လပြည့်နေ့) တွင် စစ်ကိုင်းတောင်နှင့် မင်းဝံတောင်တို့ကို ဧရာဝတီမြစ်ရေဖြင့် ရေပေးဝေဖြန့်ဖြူးခဲ့သည့် သီတဂူရေအလှူတော်သည် နှစ်-၄၀ ပြည့်မြောက်ခဲ့ပြီဖြစ်သည်။

"တောင်စစ်ကိုင်း-ချောင်တိုင်းဝေမယ်" ဟု  လွန်ခဲ့သော နှစ်-၄၀ က ကြွေးကြော်၍ စတင်ခဲ့သော သီတဂူရေအလှူတော်သည် စစ်ကိုင်းတောင်ရိုးနှင့် ဆက်စပ်နေသော မင်းဝံတောင်ရိုးသာမက တိပိဋကဆရာတော်အများစု ပွင့်ထွန်းပေါ်တော်မူရာ မင်းကွန်းဒေသအထိ ကျယ်ပြန့်စွာလှူဒါန်းနိုင်တော့မည် ဖြစ်ပါသည်။

စစ်ကိုင်းတောင်နှင့်မင်းဝံတောင်ရိုးအတွက် သီတဂူဆရာတော်ကြီး နှစ်ပေါင်း-၄၀ ကြာဦးဆောင်၍ ဆောင်ရွက်နေတော်မူသည့် သီတဂူရေအလှူတော် ရေရှည်တည်တံ့နိုင်ရေး အနာဂတ်စီမံကိန်းနှင့် မင်းကွန်းဒေသရေအလှူတော်စီမံကိန်းအတွက် ပါဝင်လှူဒါန်းကြသည့် အနယ်နယ်အရပ်ရပ်မှ အလှူရှင်အပေါင်းအားလုံးကို ကျေးဇူးတင်ရှိပါကြောင်း သီတဂူ သာသနာပြုအဖွဲ့က မှတ်တမ်းတင် ဂုဏ်ပြုအပ်ပါသည်။

.

#အလှူတော်ဆုတောင်း

ဗောဓိယာ ပစ္စယော ဟောတု၊ ဣဒံနော ပုညမင်္ဂလံ ပုညဘာဂံ  သုလဘန္တု။ ပမောဒန္တု သဒေဝကာ။

ဤကောင်းမှုများသည် ဗောဓိဉာဏ်၏ အထောက်အပံ့ ဖြစ်ပါစေသတည်း။

ဤကောင်းမှု အရပ်ရပ်တို့၏ ကုသိုလ်အဖို့တို့ကို လူ၊ နတ်၊ ဗြဟ္မာ၊ သတ္တဝါအပေါင်းတို့အား အညီအမျှ ဝေငှပါ၏။ 

#ကုသိုလ် - အမျှ၊ အမျှ၊ အမျှ

ယူတော်မူကြပါကုန်သော် ....

#သာဓု - သာဓု - သာဓု

#စက်သစ်များစမ်းသပ် ၂၀-၇-၂၀၂၀

https://www.facebook.com/sitagulivedhamma/videos/202124151236631/

.

#ဓါတ်ပုံသတင်း ၂၀-၇-၂၀၂၀

https://www.facebook.com/373346706204380/posts/1442864799252560/

.

#ဓါတ်ပုံသတင်း ၁-၈-၂၀၂၀

https://www.facebook.com/373346706204380/posts/1452654041606969/

#ရုပ်သံမှတ်တမ်း ၁-၈-၂၀၂၀

https://www.facebook.com/sitagulivedhamma/videos/320329396016525/

——————————

#သီတဂူမော်ကွန်းသစ်

.

ဘိသိတ်တော်ဖျန်းဓလေ့

နန်းရဝေ့တန်ဆာ

စန်းအငွေ့လျှံအဝါငယ်

စံပမာဆိုသို့

အေးရောင်ဓာတ်အရည်တူတယ်

သီတဂူကိန်းဆိုက်ချိန်မို့

အမတဘိသေကာ

ဝိဇေယျာအောင်မြို့

ကိလေသာမလောင်ဘို့ရယ်နဲ့

နောင်မချိုအေးစေ

စေတနာဖြူပါလှ

လှူဒါနနောတတ်အိုင်ရေ

တောင်စစ်ကိုင်း ချောင်တိုင်းဝေမယ်

ဖောင်နှိုင်းလေ မဂ္ဂင်ရှစ်ကယ်နဲ့

တက်ပြင်အသင့်ကူးကြညီတူ

ထူးလှသီတဂူ

မော်ကွန်းသစ်တစ်ကြိမ်ထူမယ်

စိန်ဆူဆူရတုသို့လေး။

.

ဆန်းထွန်း (မန်းတက္ကသိုလ်)

————————————

.

#သီတဂူဆရာတော်သြဝါဒ

လူ့ဘဝတစ်ခဏတာမှာ... 

၁။ သင်ဘာတွေထားခဲ့မလဲ?

၂။ သင်ဘာတွေယူသွားမလဲ?

.

Compassions into Action!!

.

#သီတဂူ  #sitagu #စက္ခုဒါန #မင်းကွန်း

#အာယုဒါန #အာရောဂျဒါန #ရေအလှူ

#ကိုဗစ်-၁၉ #Covid-19 #Missionary

#သီတဂူရေအလှူတော်သတင်း

သီတဂူစန်းလပမာ ချမ်းမြသာယာ ရှိကြပါစေ
သီတဂူသာသနာပြုအဖွဲ့
www.thesitagu.org

သီတဂူသာသနာပြုအဖွဲ့
==========================

Posted by သီတဂူသတင်း

 - သီတဂူကျော်ဆန်းဝင်း

 - သီတဂူထိန်လင်းဦး

 - သီတဂူမောင်မောင်အဖွဲ့

 - သီတဂူဦးချိုလေး

Live Editor - Sitagu Mg Mg