ရာဇမဏိစူဋာကောင်းမှုတော်စေတီတော်ကြီးငွေရောင်ဆေးကပ်လှူပူဇော်ခြင်း

ကျေးဇူးတော်ရှင် သီတဂူဆရာတော်ကြီး ဦးဆောင်ကာဆောင်ရွှက်လျက်ရှိသော စစ်ကိုင်းရာဇမဏိစူဋာကောင်းမှုတော်စေတီတော်ကြီး ငွေရောင်ဆေးကပ်လှူပူဇော်ခြင်း လုပ်ငန်းများအား ယနေ့ ၁၃-၁၂-၂၀၁၈ ဗုဒ္ဓဟူးနေ့ နံနက်ခင်းမှ စတင်ကာဆောင်ရွက်ကြကြောင်း တပည့်အပေါင်းအား အသိပေးအပ်ပါသည်။

ရာဇမဏိစူဋာကောင်းမှုတော်စေတီတော်ကြီး ငွေရောင်ဆေးသင်္ဃန်းကပ်လှူပူဇော်ခြင်းလုပ်ငန်းအား အောင်ပြည်တန်ကုမ္ပဏီမှ အီတလီနိုင်ငံထုတ်ဆေးနှင့် နည်းပညာများဖြင့် တာဝန်ယူဆောင်ရွက်ကာ တပေါင်းလပြည့်နေ့မတိုင်မှီ ပြီးစီးအောင်ဆောင်ရွက်ရန် ဆရာတော်ကြီးထံလမ်းညွှန်မှု ခံယူခဲ့ပါသည်။

ကောင်းမှုတော်စေတီတော်ကြီး ဆေးသင်္ဃန်းကပ်လှူပြီးစီးခြင်းအထိမ်းအမှတ်အလှူအဖြစ်လာမည့် တပေါင်းလပြည့်နေ့တွင် ပင့်သံဃာအပါးတစ်ထောင်အား ဆွမ်းဆန်စိမ်းလောင်းလှူပူဇော်ကြမည်ဖြစ်ပါသဖြင့် ကုသိုလ်ပါဝင်နိုင်ကြောင်း တပည့်အပေါင်းအားအကြောင်းကြားအပ်ပါသည်။

"သီတဂူအဓိဋ္ဌာန်"
ငါတို့ဖြစ်ရ ဤလောကဝယ်
ဘဝသမိုင်း မရိုင်းစေရန်
စိတ်မန်မချ မာနမပါ
တို့စွမ်းရာဖြင့် တို့သာသနာ
တို့ပြည်ရွာကို သာယာစေမှု
လုံ့လပြုအံ့။

“သီတဂူစန်းလပမာ ချမ်းမြသာယာရှိကြပါစေ”
သီတဂူသာသနာပြုအဖွဲ့
www.thesitagu.org