၁၉ ကြိမ်မြောက် ရွှေကျင်ဂိုဏ်းလုံးကျွတ် သံဃာ့အစည်းအဝေးကြီး ပထမနေ့

၁၉ ကြိမ်မြောက် ဗုဒ္ဓသာသနာတော်လုံးဆိုင်ရာ အစည်းအဝေးကြီးကို မှော်ဘီမြို့၊ ဆေကိန္ဒာရာမတောရကျောင်းတိုက်တွင် ၂၀၁၅ခုနှစ် ဇန္နဝါရီလ ၂၆ ရက်နေ့မှ ၂၉ ရက်နေ့အထိ ကျင်းပသည်။ ၂၆ ရက်နေ့ ညနေပိုင်းတွင် အကြိုအစည်းအဝေးကျင်းပသည်။ ဒီကနေ့ ၂၇ ရက်နေ့တွင် မနက်ပိုင်းနှင့် နေ့လည်ပိုင်း ၂ ကြိမ်ကျင်းပသည်။ ညပိုင်း ယောဆရာတော်၏ တရားပွဲ ကျင်းပသည်။

ထိုအစည်းအဝေးပွဲသို့ ရွှေကျင်သာသနာပိုင် သက်တော် ၉၅ နှစ်ရှိ ဝါဆိုဆရာတော်ကြီး၊ ဒုတိယသာသနာပိုင် ဆရာတော်များ၊ ဂိုဏ်းလုံးဝန်ဆောင် ဆရာတော်များ၊ ထင်ရှားကျော်ကြားသော သီတဂူဆရာတော်၊ ပါမောက္ခချုပ်ဆရာတော် ဒေါက်တာနန္ဒမာလာဘိဝံသ၊ ယောတိပိဋကဆရာတော် စသော ဆရာတော်ကြီးများလည်း တက်ရောက်ကြသည်။ ချင်းပြည်နယ်မှ တပါး တစ်နိုင်ငံလုံးရှိ ရွှေကျင်းကျောင်းပေါင်း ၃၅၀၀ ကျော်မှ ၅ သောင်းကျော်သော ရွှေကျင်သံဃာတော်တို့ကိုယ်စား သံဃာ (၁၀၀၀) ကျော်တက်ရောက်ကြသည်။

အစည်းအဝေးတွင် ရွှေကျင်ဂိုဏ်းသာသနာတော် ကြီးပွားရေး၊ ညီညွတ်ရေး၊ ပြန့်ပွားရေး အပြင် ဂိုဏ်းတွင်းဖြစ်ပေါ်နေသော အခက်အခဲပြသနာများ အကြောင်း၊ ပြည်ပရှိ ရွှေကျင်ဂိုဏ်း သာသနာအကြောင်း ဆွေးနွေးကြသည်။

နေ့လည်ပိုင်းတွင် ရွှေကျင်းဂိုဏ်းနှင့်စပ် စာတမ်းဖတ်ပွဲများ ကျင်းပသည်၊ ထိုစာတမ်းဖတ်ပွဲကို သီတဂူဆရာတော်ကြီးက သဘာပတိ (အခမ်းအနားမှူး) အဖြစ် ဆောင်ရွက်သည်။

သီတဂူဆရာတော်နှင့်စပ်သော အကြောင်းရာပါလာ

ဆွေးနွေးပွဲ စာတမ်းဖတ်ပွဲများတွင် သီတဂူဆရာတော်ကြီးအကြောင်း ထည့်ပြောသွားသည်များကို ကြားလိုက်ရသည်။

သာသနာတော်အတွက် စည်းလုံးညီညွတ်မှုဖြင့် ကြိုးပမ်းကြကုန်သော ဆရာတော်သံဃာတော်များကို ဂါရဝပြုလျက်-------------

“သီတဂူစန်းလပမာ ချမ်းမြသာယာ ရှိကြပါစေ”
သီတဂူသာသနာပြု အဖွဲ့
www.thesitagu.org