သီတဂူဆရာတော်ကြီး ကမ္ဘာ့ဘာသာရေးခေါင်းဆောင် ထိပ်သီးအစည်းဝေး တက်ရောက် မိန့်ခွန်းပြော

သီတဂူကမ္ဘာ့ဗုဒ္ဓတက္ကသိုလ်များ၏ အဓိပတိ၊ သီတဂူအပြည်ပြည်ဆိုင်ရာ သာသနာပြု အဖွဲ့၏ ပဓာနဥသျှောင် သီတဂူဆရာတော်ကြီးသည် (၁၈-၁၁-၂၀၁၃) ရက်နေ့တွင် ရန်ကုန် အပြည်ပြည်ဆိုင်ရာ လေဆိပ်မှ ထွက်ခွါပြီး (၁၉-၁၁-၂၀၁၃)ရက်နေ့တွင် သြစတြီးယားနိုင်ငံ ဗီယင်နာမြို့ (Austria Vienna) သို့ ရောက်ရှိကာ (၂၀-၁၁-၂၀၁၃)မှ (၂၃-၁၁-၂၀၁၃)ရက်နေ့အထိ ၄ ရက်တိုင်တိုင် ကျင်းပမည့် ကမ္ဘာ့ဘာသာရေးခေါင်းဆောင်များ ငြိမ်းချမ်းရေး ညီလာခံတွင် ဘာသာပေါင်းစုံ ညီညွတ်ရေးနှင့် ငြိမ်းချမ်းရေး စကားပြောကြားမည် ဖြစ်သည်။

အဆိုပါ ညီလာခံသို့ နိုင်ငံပေါင်း (၁၀၀)ကျော်၊ အဖွဲ့အစည်းပေါင်း (၉၀)ကျော်နှင့် ကမ္ဘာ့ဘာသာရေးခေါင်းဆောင် (၇၀၀)ကျော်တို့ တက်ရောက်ကြမည် ဖြစ်သည်။

“သီတဂူစန်းလပမာ ချမ်းမြသာယာ ရှိကြပါစေ”
သီတဂူသာသနာပြုအဖွဲ့
www.thesitagu.org