သီတဂူဆရာတော် ရေစက်ချအနုမောဒနာတရားဟောကြားချီးမြှင့်ခြင်း

ကျေးဇူးတော်ရှင် သီတဂူဆရာတော်ကြီးသည် ၂၅-၁-၂၀၂၀ ရက်နေ့၊ နံနက် ၉:၀၀ နာရီအချိန် ရန်ကုန်မြို့၊ မြောက်ဒဂုံမြို့နယ်၊ ပင်လုံလမ်းရှိ သီတဂူဗုဒ္ဓတက္ကသိုလ်တွင် ကျင်းပပြုလုပ်သော တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၏ ဖခင်ကြီး ပန်းချီဦးခင်လှိုင် (ထားဝယ်) အသက်-၁၀၀ နှစ်ပြည့် အထိမ်းအမှတ် ရည်စူး၍ ကုသိုလ်ပြု လှူဒါန်းပွဲတွင် ရေစက်ချ အနုမောဒနာတရား ချီးမြှင့်ပေးတော်မူခဲ့ပါသည်။

အလှူရှင်မိသားစုဝင်တို့က သီတဂူရေအလှူတော် ပဒေသာပင်-၅၀စု အတွက် ကျပ်ငွေ-၃၀၀ သိန်း လှူဒါန်းခြင်း၊ ပင့်သံဃာများနှင့် သီလရှင်များကို သင်္ဃန်းနှင့်ဝတ္ထုအစုစုလှူဒါန်းကြခြင်း၊ နေ့ဆွမ်းဆက်ကပ်အလုပ်အကျွေးပြုကြခြင်း စသည့်ကုသိုလ်အစုစုတို့အတွက် ရေစက်သွန်းချ အမျှပေးဝေခဲ့ကြပါသည်။

သီတဂူစန်းလပမာ ချမ်းမြသာယာ ရှိကြပါစေ
သီတဂူသာသနာပြုအဖွဲ့
www.thesitagu.org