သီတဂူကမ္ဘာ့ဗုဒ္ဓတက္ကသိုလ်၏ (၅)ကြိမ်မြောက်ဘွဲ့နှင်းသဘင် အခမ်းအနား ကျင်းပ

၂၀၂၅ မတ်လ ၁၃၊ စစ်ကိုင်းတောင်ရိုးရှိ သီတဂူကမ္ဘာ့ဗုဒ္ဓတက္ကသိုလ်၊ သီတဂူသံဃ သန္နိပါတကျောင်းဆောင် ဘွဲ့နှင်းသဘင်ခန်းမ၌ ကျင်းပရာ သီတဂူကမ္ဘာ့ဗုဒ္ဓတက္ကသိုလ်များ၏ အဓိပတိ၊ နိုင်ငံတော်ဩဝါဒါစရိယ၊ ရွှေကျင်နိကာယသာသနာပိုင် အဘိဓဇမဟာရဋ္ဌဂုရု သီတဂူအဓိပတိဆရာတော် ဒေါက်တာ ဘဒ္ဒန္တဉာဏိဿရ အမှူးပြုသော သီတဂူကမ္ဘာ့ဗုဒ္ဓတက္ကသိုလ်၊ တက္ကသိုလ်ပညာရေးအဖွဲ့ဝင် ဆရာတော်များ၊ စစ်ကိုင်းတိုင်း ဒေသကြီးဝန်ကြီးချုပ် ဦးမြတ်ကျော်၊ ဖိတ်ကြားထားသည့် ဧည့်သည်များနှင့် ဘွဲ့ခံ ကျောင်းသား/ကျောင်းသူများ၏ မိဘဆွေမျိုးများ တက်ရောက်ကြသည်။