ဒီကနေ့ (၁၀-၈-၂၀၁၅) သီတဂူ ရေးဘေးသင့်ပြည်သူများ ကူညီစောင့်ရှောက် ထောက်ပံ့ရေးအဖွဲ့သည် ဧရာဝတီတိုင်း ဒေသကြီး၊ ငါးသိုင်းချောင်၊ လေးမျက်နှာ သို့ ကုန်တင်ကားကြီး (၃)စီးဖြင့် ဆန်အိတ် (၃၀၀) သောက်ရေသန့်ကဒ် (၃၂၀) ပဲအိတ်၊ ငါးသေတ္တာ၊ အဝတ်အထည် စသော လူသုံးကုန်ပစ္စည်းများကို ဒေါက်သီဟဉာဏာလင်္ကာရ၊ ကပ္ပိယ ဦးတင်အေး၊ ဦးရွှေနီ စသော ကပ္ပိယ တို့ဦးဆောင်ပြီး သယ်ဆောင်သွားပြီ ဖြစ်ပါသည်။
၇-၈-၂၀၁၅ နေ့က ဒေါက်တာသုတာစာရာလင်္ကာရ ဦးဆောင်သော သီတဂူရေဘေးကယ်ဆယ်ရေးအဖွဲ့သည် ဇလွန်မြို့သို့ ရောက်ခဲ့သည်။ ဖြစ်တဖက်ခြမ်းရှိ ရေမြုပ်နေသော မြစ်ဝရွာ၊ ချောင်းကြီးရွာ၊ ထုံးတဖိုရွာ၊ ရေလဲရွာ ကျွန်းပုလုရွာ၊ ရေလယ်သောင် (အိမ်ထောင်စု-၁၀၀၀)တို့ဆီ ဆန်အိတ် (၁၁၀)နှင့် အဝတ်အထည်၊ စားစရာအမျိုးမျိုး၊ ဆေးဝါစသည်တို့ကို ကုန်ကားကြီး ၂ စီးဖြင့် သွားရောက်လှူခဲ့သည်။
(၇-၈-၂၀၁၅) ညနေပိုင်းသတင်း
(7-8-2015) နေ့ အထက်-အောက် မြန်မာပြည်ရှိ သီတဂူ ရေဘေးသင့်ပြည်သူများ ကူညီစောင့်ရှောက် ထောက်ပံ့ရေးအဖွဲ့တို့၏ လှုပ်ရှား သည် တစ်နေ့တည်း တစ်ချိန်တည်း နေရာအနှံ့အပြားဆီသို့ အရောက်ပို့သည်။
အထက်-အောက် မြန်မာပြည် သီတဂူ ရေဘေးသင့်ပြည်သူများ ကူညီစောင့်ရှောက်ထောက်ပံ့ရေးအဖွဲ့သည် (၃-၈-၂၀၁၅)နေ့က စပြီး ယနေ့ (၇-၈-၂၀၁၅)နေ့အထိ သွားရောက် လှူပြီးသည်မှာ--
၆-၈-၂၀၁၅ နေ့နံနက်စောစော ပဲခူးတိုင်းဒေသကြီးအနောက်ခြမ်း၊ ထိန်တော၊ မိုးညိုသို့ သီတဂူစီမံအုပ်ချုပ်ရေးအဖွဲ့ ဥက္ကဋ္ဌ ဘုန်းကြီးဦးကောဝိဒ၊ ဦးသေဋ္ဌိလဦးစီးပြီး ကုန်ကား နှစ်စီးဖြင့် ဆန်အိတ် (၁၇၅)အိတ်၊ သောက်ရေသန့် (၂၀၀)ကဒ်၊ ကျပ်ငွေ သိန်း (၁၀၀)နှင့်အတူ အဝတ်အထည် စားစရာများစွာတို့ သယ်ဆောင်သွားကြပြီဖြစ်သည်။
ဒီနေ့ (၇-၈-၂၀၁၅) “သီတဂူရေဘေးသင့်ပြည်သူများ ကူညီစောင့်ရှောက် ထောက်ပံ့ရေးအဖွဲ့” နံနက် ၆း၂၀မှ စတင်ကာ ဧရာဝတီတိုင်းဒေသကြီး ဇလွန်မြို့နယ်နှင့် အင်္ဂပူမြို့နယ်များသို့ ကုန်တင်ကားကြီး ၄စီး၊ ကားအသေး ၂ စီတို့ဖြင့် ထွက်ခွါသွားပြီ ဖြစ်ပါသည်။
We have 8 guests and no members online
အမှတ်-၁၀၊ ပါရမီလမ်းနှင့် ပင်လုံလမ်းဒေါင့့်၊ ဘေလီတံတားထိပ်၊ ဒဂုံမြို့သစ်မြောက်ပိုင်း၊
ဖုန်း-၀၁-၅၈၁၇၇၇၊ ၀၁-၅၈၁၉၉၉
မန္တလေးတောင်၊ မန္တလေးမြို့
ဖုန်း- ၀၂ ရ၅၂ ရ၈