သီတဂူဆရာတော်ထံ ရုရှားရဟန်း လာရောက်ကန်တော့

ရုရှားနိုင်ငံသား တစ်ယောက်ဖြစ်သူ Кондратьев Алексей Владимирович သည် လွန်ခဲ့သော ငါးနှစ်က ထိုင်းနိုင်ငံတွင် ရဟန်းဘဝကို ခံယူခဲ့ပြီး ရုရှားနိုင်ငံ၌ သာသနာပြု နေထိုင်လျက်ရှိသည်။ ဆရာတော်၏ ဘွဲ့အမည်မှာ Брахмачако(Brahmachako) ဖြစ်ပါတယ်။

ဆရာတော်သည် ယခုအခါ သက်တော် ၄၄ နှစ် ရှိပြီး ဝါတော် ၅ ဝါ ရှိနေပြီ ဖြစ်ပါတယ်။

ယနေ့ ၅-၉-၂၀၂၁ ရက်နေ့တွင် ဆရာတော်သည် မော်စကို ထေရဝါဒ ဗုဒ္ဓစင်တာသို့ လာရောက်၍ သီတဂူဆရာတော် ဘုရားကြီးအား ဂါရဝပြုရန် ရောက်ရှိခဲ့ပါတယ်။

ထို့အတွက်ကြောင့် ရုရှားနိုင်ငံသား ဖြစ်လင့်ကစား ဗုဒ္ဓသားတော် တစ်ပါးအဖြစ် ခက်ခဲစွာ ရပ်တည်နေရသော ဆရာတော် ဘုရားအား ရိုသေစွာ ကန်တော့အပ်ပါသည်။

ထို့အပြင် ဆရာတော်ဘုရားကြီးအား လာရောက် လှူဒါန်းရခြင်းကြောင့် မိမိကိုယ်တိုင် ဝမ်းမြောက်ပီတိ ဖြစ်ရုံတင်သာမက မြင်သူအပေါင်း ၊ကြည့်ရှု့ရသူအပေါင်း သတ္တဝါအားလုံး ကြည်နူးချမ်းမြေ့ကြပါစေ၊ ကိုယ်စိတ်နှလုံး သုံးပါး ရွှင်ပြုံးနိုင်ကြပါစေ၊ စိတ်ချမ်းမြေ့ကြည်နူးစွာ သာဓုခေါ်ဆိုနိုင်ကြပါစေရန် အလို့ငှာ ကုသိုလ်ဒါန ပြုအပ်ပါသည်။
မျှဝေပါသည်။

ရွှင်လန်းချမ်းမြေ့ပါစေ။
သီတဂူစတား

သီတဂူဆရာတော် ရုရှားနိုင်ငံ၊ နိုင်ငံတကာ ယဉ်ကျေးမှုမြို့တော် လုပ်ငန်းပြိးစီးမှု ကြည့်ရှု စစ်ဆေး

ကျေးဇူးရှင် အဘိဓဇမဟာရဋ္ဌဂုရု သီတဂူဆရာတော်သည် ရုရှားနိုင်ငံ၊ နိုင်ငံတကာ ယဉ်ကျေးမှုမြို့တော်မှာ မြန်မာတို့အတွက် ရွှေစည်းခုံ စေတီတော်နှင့် ဂန္ဓကုဋိ ဘုရားကျောင်းဆောင်၊ ရုပ်ပွားဆင်တုတော်များနှင့်င့် မြန်မာတို့ရဲ့ ပန်းဆယ်မျိုး အနုပညာလက်ရာများကို ပြုလုပ်လျက်ရှိပါသည်။ ယခုအခါ ၈၀ ရာခိုင်နှုန်း ပြီးစီးနေပြီ ဖြစ်ပါသည်။

မကြာမီ ကမ္ဘာ့ယဉ်ကျေးမှုမြို့တော်မှာ မြန်မာတို့ရဲ့ ယဉ်ကျေးမှု ထည်ဝါစွာ တွေ့မြင်ရမှာ ဖြစ်ပါသည်။

ဓာတ်ပုံ = သီတဂူကျော်ဆန်းဝင်း

သီတဂူစန်းလပမာ ချမ်းမြသာယာ ရှိကြပါစေ။
သီတဂူသတင်းနှင့် ပြန်ကြားရေးအဖွဲ့

သီတဂူအာယုဒါနဆေးရုံမှာ ကိုဗစ်၁၉ ကာကွယ်ဆေး ထိုးပေးနေ

၃-၈-၂၀၂၁ နေ့ကစ၍ စစ်ကိုင်းမြို့၊ သီတဂူအာယုဒါနဆေးရုံမှာ စစ်ကိုင်းတိုင်း၊ စစ်ကိုင်းခရိုင်၊ စစ်ကိုင်းမြို့ အစီအစဉ်ဖြင့် စစ်ကိုင်းတောင်ရိုးရှိ ရဟန်း သာမဏေ သီလရှင် တို့အား COVID 19 ကာကွယ်ဆေးများကို ထိုးပေးနေပါပြီ။

ကိုဗစ်၁၉ ကပ်ရောဂါဆိုးကြီးကို ကျော်လွှားနိုင်ကြပါစေ။

ဓာတ်ပုံ = သီတဂူကျော်ဆန်းဝင်း

သီတဂူစန်းလပမာ ချမ်းမြသာယာ ရှိကြပါစေ။
သီတဂူသတင်းနှင့် ပြန်ကြားရေးအဖွဲ့

သီတဂူသံဃသန္နိပါတ လေးထပ်ကျောင်းဆောင်ကြီး၏ မျက်နှာစာ

၉၅ ရာခိုင်နှုန်း ပြီးစီးနေပြီဖြစ်သော သံဃာတစ်ထောင်ကျော် တပြိုင်တည်း စုဝေးနိုင်သည့် လေးထပ်ကျောင်းဆောင်ကြီးသည် စစ်ကိုင်း၊ သီတဂူအပြည်ပြည်ဆိုင်ရာ ဝိပဿနာအကယ်ဒမီမှာ တည်ရှိပါသည်။

၁။ စတုတ္ထထပ်သည် ကြီးကျယ်ခမ်းနားသော ထိုင်တော်မူ ရုပ်ပွားဆင်းတုတော်ကြီးနှင့် သံဃာတစ်ထောင်ကျော် စည်းဝေးရာ ခန်းမဆောင်ကြီး ဖြစ်ပါသည်။

၂။ တတိယထပ်သည် စာသင်ခန်းများ၊ အစည်းဝေးခန်း၊ သံဃာတော်များ သီတင်းသုံးရာ ခန်းမများ ပါဝင်သည်။

၃။ ဒုတိယထပ်သည် သံဃာတစ်ထောင်ကျော် တပြိုင်တည်း ဆွမ်းဘုဉ်းပေးနိုင်ရန် ဆွမ်းစားဆောင် ဖြစ်ပါသည်။

၄။ မြေညီထပ်သည် ရုံးခန်းများ၊ ကားပါကင်များပါဝင်သော အထပ်ဖြစ်သည်။

၅။ ကျောင်းတော်ကြီး၏ မျက်နှာစာမှာ ကြီးကျယ်ခမ်းနားသော ရပ်တော်မူ ရုပ်ပွားဆင်းတုတော်ကြီးကို ဖူးမြင်ရမှာ ဖြစ်ပါသည်။

ဓာတ်ပုံ။ သီတဂူကျော်ဆန်းဝင်း

သီတဂူစန်းလပမာ ချမ်းမြသာယာရှိကြပါစေ။
သီတဂူသတင်းနှင့် ပြန်ကြားရေးအဖွဲ့

သီတဂူအဓိပတိဆရာတော်ကြီး၏ ဗုဒ္ဓနေ့ သဝဏ်လွှာ

ဗုဒ္ဓနှစ် ၂၅၆၄၊ ၁၃၈၃ ခုနှစ်၊ ကဆုန်လပြည့်နေ့၊ (၂၅-၅-၂၀၂၁)

၁။ ရိုသေလေးစားအပ်ပါသော သံဃာတော်များ အားလုံး

၂။ ချစ်ခင်လေးစားအပ်ပါသော ကမ္ဘာတစ်ဝန်းလုံးရှိ ဗုဒ္ဓဘာသာဝင်များအားလုံး

၃။ အစဉ်သဖြင့် မေတ္တာကရုဏာထားရပါသော ကမ္ဘာသူ၊ ကမ္ဘာသားများအားလုံး

၄။ အထူးလေးစား မေတ္တာထားရပါသော အိန္ဒိယအစိုးရ အဖွဲ့ဝင်အားလုံးတို့ကို-

ရှေးဦးစွာ မေတ္တာပို့ဆုတောင်းပါတယ်။ အားလုံးပဲ ရောဂါအမျိုးမျိုးဘေး၊ လက်နက်ဘေး၊ ငတ်မွတ်ဘေး ဟူသော ဘေးသုံးပါမှ ကင်းဝေးကြပါစေ။

Read more: သီတဂူအဓိပတိဆရာတော်ကြီး၏ ဗုဒ္ဓနေ့ သဝဏ်လွှာ

သီတဂူဆရာတော်ကြီး၏ ၈၄ နှစ်ပြည့် အထိမ်းအမှတ်

သီတဂူမော်ကွန်းတင်စေတီတော် ထီးတော် စိန်ဖူးတော် တင်လှူပူဇော်ပါသည်။

၂၆-၃-၂၀၂၁ ညပိုင်းမှာ မြန်မာနိုင်ငံသူ နိုင်ငံသားများ၊ ကမ္ဘာသူကမ္ဘာသားများ ကပ်ရောဂါ အမျိုးမျိုးမှ ကင်းဝေးစေရန်၊ သောကခပ်သိမ်း ချုပ်ငြိမ်းစေရန် ရည်စိတ်သန်လျက် သီတဂူတပည့် သံဃာတော်များက ပရိတ်တော်များဖြင့် ရွတ်ပွား ပူဇော်ကြသည်။

Read more: သီတဂူဆရာတော်ကြီး၏ ၈၄ နှစ်ပြည့် အထိမ်းအမှတ်