သီတဂူအာရောဂျဒါန ဆေးရုံ (ရပ်စောက်)

သီတဂူအာရောဂျဒါန ဆေးရုံကို ရှမ်းပြည်နယ်တောင်ပိုင်း၊ ရပ်စောက်မြို့တွင် ၃၁.၃.၂၀၁၃ နေ့က ဖွင့်လှစ်ခဲ့သည်။ ထိုဖွင့်ပွဲအခမ်းအနားသို့ သီတဂူဆရာတော်ကြီးနှင့်အလှူရှင်များ မျက်စိအထူးကုဆရာဝန်ကြီးများ၊ သီတဂူအာယုဒါနဆေးရုံ ဆရာဝန်၊ သူနာပြုများ၊ မြို့မိမြို့ဖများ တက်ရောက်ကြသည်။ 

မျက်စိကုသမှုများ

ထိုဆေးရုံကြီးမှာပဲ မျက်စိဆရာဝန်ကြီး ဒေါက်တာသိန်းမြင့်၊ မျက်စိအထူးကုဆရာဝန်ကြီး ဒေါက်တာ မြအောင်၊ ဒေါက်တာမြသီတာအုန်းနှင့် သီတဂူအာယုဒါနဆေးရုံမှ ဒေါက်တာမိမိခင် ဦးဆောင်သော ဆေးရုံဝန်ထမ်း(၁၀)ဦးအဖွဲ့သည် လူနာပေါင်း ၇၄၁ယောက်ကို စမ်းသပ်စစ်ဆေးကာ မျက်စိဝေဒနာရှင်ပေါင်း (၁၃၂)ယောက် မျက်စိအလင်းဒါန လုပ်အားပြုခဲ့ကြပါသည်။ 

"သီတဂူစန်းလပမာ ချမ်းမြသာယာ ရှိကြပါစေ"
သီတဂူသာသနာပြုအဖွဲ့
www.thesitagu.org